SUN குழுமத்திலிருந்து வெளிவரும் காலை நாளிதழ்

அதிமுக ஆட்சியில் தூர்வாராமல் கிடந்த 2000 ஏக்கர் பயன்பெறும் பாசன வாய்க்கால் தூர்வாரப்பட்டது

2021-07-29@ 12:03:51

*விவசாயிகள் மகிழ்ச்சி

தரங்கம்பாடி : மயிலாடுதுறை மாவட்டம், திருவிளையாட்டம் அருகே அதிமுக ஆட்சியில் தூர்வாராமல் கிடந்த 200 ஏக்கர் பாசனத்திற்கு பயன்படும் வாய்க்கால் எம்எல்ஏ முயற்சியால் தூர்வாரப்பட்டது. மயிலாடுதுறை மாவட்டம், திருவிளையாட்டம் அருகே 2000 ஏக்கர் பாசனத்திற்கு பயன்படும் வாய்க்கால் கடந்த அதிமுக ஆட்சியில் விவசாயிகள் பலமுறை கோரிக்கை விடுத்தும் தூர்வாராமல் கிடந்தது. பூம்புகார் எம்எல்ஏ நிவேதா முருகன் முயற்சியால் நேற்று அந்த வாய்க்கால் தூர்வாரப்பட்டது.

வீரசோழன் ஆற்றில் இருந்து ஆண்டான்சேரி தலைப்பு வாய்க்கால் ஈச்சங்குடி, விருவிளையாட்டம் கிராமங்களுக்கு செல்கிறது. 5 கி.மீ தூரம் உள்ள இந்த வாய்க்கால் 2000 ஏக்கர் பாசனத்திற்கு பயன்படுகிறது. இந்த வாய்க்காலை தூர்வார வேண்டும் என்று கடந்த அதிமுக ஆட்சியில் விவசாயிகள் பலமுறை கோரிக்கை விடுத்தனர். ஆனால் விவசாயிகள் கோரிக்கை நிராகரிக்கப்பட்டது. இந்நிலையில் இந்த வாய்க்காலை தூர்வார வேண்டும் என்று கடந்த சில தினங்களுக்கு முன் பூம்புகார் எம்எல்ஏ நிவேதா முருகனிடம் விவசாயிகள் கோரிக்கை விடுத்தனர்.

எம்எல்ஏ நிவேதாமுருகன் உடனடியாக நடவடிக்கை எடுத்து பொதுப்பணித்துறை மூலம் இந்த வாய்க்காலை அகலப்படுத்தி தூர்வார ஏற்பாடு செய்தார். அதன் பேரில் அந்த வாய்க்கால் ஜேசிபி மூலம் தூர்வாரப்பட்டது. விவசாயிகளின் கோரிக்கையை உடனடியாக ஏற்று வாய்க்காலை தூர்வாரி கொடுத்த எம்எல்ஏவுக்கு விவசாயிகள் நன்றி தெரிவித்தனர். மேலும் விவசாயிகளின் கோரிக்கையை உடனுக்குடன் நிவர்த்தி செய்யும் திமுக ஆட்சிக்கும், பொதுப்பணித்துறைக்கும் விவசாயிகள் நன்றி பாராட்டு தெரிவித்தனர்.

மேலும் செய்திகள்

Like Us on Facebook Dinkaran Daily News
  • wildfire-13

    கலிபோர்னியாவில் வேகமாக பரவும் காட்டுத்தீ!: 13,400 ஏக்கர் காடுகள் தீயில் கருகி நாசம்..!!

  • plane-crashe-13

    அமெரிக்காவில் குடியிருப்பு மீது விழுந்து நொறுங்கிய சிறிய ரக விமானம்!: ஏராளமான வாகனங்கள், வீடுகள் தீக்கிரை..2 பேர் பலி..!!

  • wine-12

    இஸ்ரேலில் மண்ணில் புதையுண்டு கிடந்த 1,500 ஆண்டுகள் பழமையான ஒயின் தயாரிப்பு ஆலை கண்டெடுப்பு..!!

  • Tiruppp1

    திருப்பதியில் நவராத்திரி பிரம்மோற்சவம்... கண்கவர் புகைப்படங்கள்!!

  • andhratirupp

    திருமலை ஏழுமலையானுக்கு பட்டு வஸ்திரம் சமர்பித்த ஆந்திரா முதல்வர் ஜெகன்மோகன் ரெட்டி

படங்கள் வீடியோ கல்வி சினிமா ஜோ‌திட‌ம்