SUN குழுமத்திலிருந்து வெளிவரும் காலை நாளிதழ்

''அபராதத்தை கொரோனா நிவாரண நிதியாக தர விரும்பவில்லை'' என நடிகர் விஜய் தரப்பு வாதம் : வழக்கை முடித்து வைத்த நீதிபதி!!

2021-07-28@ 17:24:14

சென்னை: அபராதமாக விதிக்கப்பட்டுள்ள ரூ.1 லட்சத்தை கொரோனா நிவாரண நிதியாக கொடுக்க விருப்பமில்லை என்று ஐகோர்ட்டில் விஜய் தரப்பு தெரிவித்துள்ளது.நடிகர் விஜய், வெளிநாட்டிலிருந்து இறக்குமதி செய்த ரோல்ஸ் ராய்ஸ் காருக்கு நுழைவு வரியிலிருந்து விலக்கு அளிக்கக் கோரி தொடர்ந்த வழக்கை சென்னை உயர் நீதிமன்ற தனி நீதிபதி தள்ளுபடி செய்ததோடு, ரூ. 1 லட்சம் அபராதமும் விதித்து உத்தரவிட்டார்.  இதை எதிர்த்து நடிகர் விஜய் உயர் நீதிமன்றத்தில் மேல்முறையீடு செய்தார். இம்மனு மீதான நேற்றைய விசாரணையின் போது,  நடிகர் விஜய்க்கு ரூ. 1 லட்சம் அபராதம் விதிக்கப்பட்டதற்கு சென்னை உயர் நீதிமன்றம் தடை விதித்து உத்தரவிட்டது. மேலும், நடிகர் விஜய் தாக்கல் செய்த மேல்முறையீட்டு மனுவுக்கு தமிழ்நாடு அரசு பதிலளிக்க உத்தரவிட்டு வழக்கு விசாரணை ஒத்திவைக்கப்பட்டது.

 இந்நிலையில், அபராதம் செலுத்திவிட்டு அறிக்கை தர உத்தரவிட்ட வழக்கு இன்று நீதிபதி எஸ்.எம். சுப்ரமணியம் முன்பு விசாரணைக்கு வந்தது. அப்போது விஜய் தரப்பில் ஆஜரான வழக்கறிஞர், மேல்முறையீடு வழக்கு தாக்கல் செய்யப்பட்டு அபராதத்திற்கு இடைக்கால உத்தரவு பெறப்பட்டதாக தெரிவித்தார். அப்போது குறுக்கிட்ட நீதிபதி, ரூ.1 லட்சத்தை நிவாரண நிதியாக ஏன் செலுத்தவில்லை என்று கேள்வி எழுப்பினார். இதற்கு பதில் அளித்த விஜய் தரப்பு, இந்த வழக்கில் அபராதமாக விதிக்கப்பட்ட ரூ. 1 லட்சம் ரூபாய் நிதியை நிவாரண நிதியாகத் தர விரும்பவில்லை என்றும் கடந்த ஆண்டு கொரோனா நிவாரண நிதியாக ரூ. 25 லட்சம் வழங்கிவிட்டதாகவும் விளக்கமளித்துள்ளது. இதையடுத்து இவ்வழக்கை தனி நீதிபதி முடித்து உத்தரவிட்டுள்ளார்.

மேலும் செய்திகள்

Like Us on Facebook Dinkaran Daily News
  • cycle_sephiee1

    முட்டுக்காடு டூ மாமல்லபுரம்.. முதல்வர் ஸ்டாலின் உற்சாக சைக்கிள் பயணம்.. மக்களோடு டீ குடித்து அசத்தல்; செல்பி எடுத்து மகிழ்ந்தார்!!

  • iceberg-boat-23

    இது படகா...இல்ல பனிப்பாறையா...?: பிரான்ஸ் ஓவியரின் கில்லாடி ஐடியா..!!

  • thailand-taxi-23

    தாய்லாந்தில் காய்கறித் தோட்டங்களாக மாறிய டாக்சிகள்!: அட்டகாச புகைப்படங்கள்

  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

படங்கள் வீடியோ கல்வி சினிமா ஜோ‌திட‌ம்