SUN குழுமத்திலிருந்து வெளிவரும் காலை நாளிதழ்

ஒலிம்பிக் மகளிர் ஹாக்கி: இந்தியாவை வீழ்த்தியது இங்கிலாந்து

2021-07-28@ 14:55:41

டோக்கியோ: ஒலிம்பிக் மகளிர் ஹாக்கியில் இன்று நடந்த போட்டியில் இங்கிலாந்து அணி, 4-1 என்ற கோல் கணக்கில் இந்திய அணியை வீழ்த்தி, வெற்றி பெற்றது. ஒலிம்பிக் மகளிர் ஹாக்கியில் ‘ஏ’ பிரிவில் இடம் பெற்றுள்ள இந்திய மகளிர் ஹாக்கி அணி, கடந்த 24ம் தேதி, தனது முதல் போட்டியில் நெதர்லாந்தை எதிர்கொண்டது. இதில் நெதர்லாந்து 5-1 என்ற கோல் கணக்கில் இந்தியாவை வீழ்த்தியது. அடுத்து கடந்த 26ம் தேதி நடந்த போட்டியில் ஜெர்மனி, இந்திய அணியை 2-0 என்ற கோல் கணக்கில் வெற்றி பெற்றது.

இந்நிலையில் இன்று காலை டோக்கியோவின் சவுத் பிட்ச்சில் ஒயி ஹாக்கி ஸ்டேடியத்தில் நடந்த போட்டியில் இந்திய மகளிர் ஹாக்கி அணி, இங்கிலாந்து மகளிர் அணியுடன் மோதியது. போட்டி துவங்கிய 2வது நிமிடத்திலேயே இங்கிலாந்து வீராங்கனை ஹன்னா மார்ட்டின், அருமையாக ஒரு ஃபீல்டு கோலை அடித்து மிரட்டினார். தொடர்ந்து அவரே 19வது நிமிடத்தில் மீண்டும் ஒரு ஃபீல்டு கோல் அடித்தார். அதன் பின்னர் இந்திய வீராங்கனைகள் சற்று கடுமையாக போராடினர்.

23வது நிமிடத்தில் இந்திய அணிக்கு பெனால்டி கார்னர் வாய்ப்பு கிடைத்தது. இதில் இந்திய வீராங்கனை தேவி ஷர்மிளா, கோல் அடித்தார். முதல் பாதி ஆட்ட முடிவில் இங்கிலாந்து 2-1 என்ற கோல் கணக்கில் முன்னிலையில் இருந்தது. 2ம் பாதி ஆட்டம் துவங்கியதுமே இங்கிலாந்து வீராங்கனை லிலி அவ்ஸ்லே, சக வீராங்கனை பாஸ் செய்த பந்தை, கடத்தி சென்று, ஒரு கோல் அடித்தார். தொடர்ந்து 51வது நிமிடத்தில் பெனால்டி ஏரியாவுக்குள் இந்திய வீராங்கனைகள் செய்த தவறால், இங்கிலாந்துக்கு பெனால்டி ஸ்ட்ரோக் வழங்கப்பட்டது.

கிரேஸ் பால்ஸ்டன், அதில் கச்சிதமாக ஒரு கோல் அடித்தார். இறுதியில் இப்போட்டியில் இங்கிலாந்து 4-1 என்ற கோல் கணக்கில் வெற்றி பெற்றது. நடப்பு ஒலிம்பிக்கில் இதுவரை ஒரு வெற்றியை கூட பதிவு செய்யாத இந்திய மகளிர் அணி, வரும் 30ம் தேதி நடைபெறவுள்ள போட்டியில் அயர்லாந்துடனும், 31ம் தேதி நடைபெற உள்ள போட்டியில் தென்னாப்பிரிக்காவுடனும் மோதவுள்ளது.

மேலும் செய்திகள்

Like Us on Facebook Dinkaran Daily News
  • cycle_sephiee1

    முட்டுக்காடு டூ மாமல்லபுரம்.. முதல்வர் ஸ்டாலின் உற்சாக சைக்கிள் பயணம்.. மக்களோடு டீ குடித்து அசத்தல்; செல்பி எடுத்து மகிழ்ந்தார்!!

  • iceberg-boat-23

    இது படகா...இல்ல பனிப்பாறையா...?: பிரான்ஸ் ஓவியரின் கில்லாடி ஐடியா..!!

  • thailand-taxi-23

    தாய்லாந்தில் காய்கறித் தோட்டங்களாக மாறிய டாக்சிகள்!: அட்டகாச புகைப்படங்கள்

  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

படங்கள் வீடியோ கல்வி சினிமா ஜோ‌திட‌ம்