SUN குழுமத்திலிருந்து வெளிவரும் காலை நாளிதழ்

அமித்ஷாவிடம் அரசியல் குறித்து எதுவும் பேசவில்லை...பிரதமர் மோடியிடம் பேசியதை அவரிடம் சொன்னோம் : எடப்பாடி பழனிசாமி

2021-07-27@ 15:18:58

டெல்லி : டெல்லியில் மத்திய உள்துறை அமைச்சர் அமித்ஷா உடனான சந்திப்பின் போது அரசியல் குறித்து பேசவில்லை என்று அதிமுக இணை ஒருங்கிணைப்பாளர் எடப்பாடி பழனிசாமி அறிவித்துள்ளார்.சட்டமன்ற தேர்தல் தோல்விக்கு பிறகு அதிமுக இணை ஒருங்கிணைப்பாளர் எடப்பாடி பழனிசாமியும் ஒருங்கிணைப்பாளர் ஓ பன்னீர் செல்வமும் தனித்தனியாக நேற்று முன்தினம் டெல்லி புறப்பட்டு சென்றனர். பின்னர் இருவரும் நாடாளுமன்ற வளாகத்தில் பிரதமர் மோடியை சந்தித்து பேசினர்.சுமார் அரை மணி நேரம் நீடித்த இந்த சந்திப்பின் போது, அதிமுகவை சசிகலா கைப்பற்ற முயற்சிப்பது, முன்னாள் அமைச்சர் வீட்டில் நடந்த லஞ்ச ஒழிப்பு துறை சோதனை உட்பட பல்வேறு விஷயங்கள் குறித்து ஆலோசிக்கப்பட்டதாக கூறப்பட்டது.

இந்த நிலையில் டெல்லி நாடாளுமன்ற வளாகத்தில் இன்று காலை மத்திய உள்துறை அமைச்சர் அமித்ஷாவுடன் ஓ பன்னீர் செல்வமும் எடப்பாடி பழனிசாமியும் சந்தித்து பேசினர்.பின்னர் செய்தியாளர்களிடம் பேசிய எடப்பாடி பழனிசாமி, உள்துறை அமைச்சர் அமித்ஷா உடனான சந்திப்பின் போது அரசியல் குறித்து எதுவும் பேசவில்லை என்று தெரிவித்தார்.தமிழகத்திற்கு தேவையான நலத்திட்டங்கள் தொடர்பாக பிரதமர் மோடியிடம் பேசியதை அமித்ஷாவிடம் சொன்னதாகவும் எடப்பாடி பழனிசாமி தெரிவித்தார்.உள்துறை அமைச்சரை சந்தித்த பின்னர் நாடாளுமன்ற வளாகத்தில் ஒன்றிய கலாச்சாரம் மற்றும் சுற்றுலாத்துறை அமைச்சர் கிஷன் ரெட்டியை ஓ பன்னீர் செல்வமும் பழனிசாமியும் சந்தித்து பேசியுள்ளனர். தொடர்ந்து விமானத்திற்கு நேரம் ஆனதால் மெட்ரோ ரயில் மூலம் டெல்லி விமான நிலையம் சென்ற பன்னீர் செல்வம் அங்கிருந்து சென்னை புறப்பட்டார்.

மேலும் செய்திகள்

Like Us on Facebook Dinkaran Daily News
  • karnataka-schools-25

    20 மாதங்களுக்கு பின் கர்நாடகத்தில் தொடக்க பள்ளிகள் திறப்பு!: ஆர்வமுடன் பள்ளி செல்லும் மழலைகள்..!!

  • wheel-uae-25

    250 மீ. உயரம்...1,750 பேர் பயணிக்கலாம்!: உலகிலேயே மிகப்பெரிய ராட்டினம் ஐக்கிய அரபு அமீரகத்தில் திறப்பு..!!

  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

படங்கள் வீடியோ கல்வி சினிமா ஜோ‌திட‌ம்