SUN குழுமத்திலிருந்து வெளிவரும் காலை நாளிதழ்

கொரோனா பரவலால் மூடப்பட்டிருந்த பொது நூலகங்கள் மீண்டும் திறப்பு: வழிகாட்டு நெறிமுறைகள் வெளியீடு

2021-07-25@ 01:18:56

சென்னை: தமிழக அரசின் உத்தரவின் பேரில், தமிழகம் முழுவதும் மூடப்பட்டிருந்த பொது நூலகங்கள் நேற்று முதல் மீண்டும் திறக்கப்பட்டன.  கொரோனா நோய் கட்டுப்பாட்டு பகுதிகளில் செயல்படும் நூலகங்களை தவிர்த்து பொது நூலகத் துறையின் கீழ் செயல்படும் மற்ற நூலகங்கள் ஜூலை 24ம் தேதி முதல் திறக்கப்படும் என பொது நூலக இயக்குனர் உத்தரவிட்டார். இந்த உத்தரவின் பேரில் நேற்று முதல் பொது நூலகங்கள் மீண்டும் திறக்கப்பட்டன.  

இந்நிலையில், பொது நூலக இயக்குனர் வெளியிட்ட வழிகாட்டு நெறிமுறைகள்:  
* தினந்தோறும் நூலகங்களை மூடுவதற்கு முன்பு வாசகர்கள் பயன்படுத்திய இருக்கைகள், மேசைகள், நாற்காலிகள், நூல்கள் மற்றும் தொடர்புடைய இடங்களை கிருமி நாசினி கொண்டு முழுமையாக தூய்மைப்படுத்த வேண்டும்.
* கட்டுப்பாட்டு மண்டலங்களில் இருந்து வரும் வாசகர்கள் நூலகத்தை பயன்படுத்த அனுமதிக்கக்கூடாது. 65 வயதிற்கு மேற்பட்டவர்கள், பல்வேறு நோய்வாய்பட்டவர்கள், கர்ப்பிணிகள் மற்றும் 15 வயதிற்கு உட்பட்ட குழந்தைகளை நூலகத்தை பயன்படுத்த அனுமதிக்கக்கூடாது.
* நூலகத்திற்கு வரும் அனைவரும் கட்டாயம் முகக்கவசம் அணிந்திருக்க வேண்டும். நூலகத்தின் நுழைவாயிலில் சோப் அல்லது கிருமி நாசினி வைத்திருக்க வேண்டும். வெப்ப அளவீட்டு சோதனை செய்ய வேண்டும். 6 அடி இடைவெளியுடன் தனிமனித இடைவெளி கடைபிடிக்கப்பட வேண்டும்.
* நூலகங்களுக்கு அருகாமையில் அமைந்துள்ள மருத்துவமனைகள், சிகிச்சை மையங்களை கண்டறிந்து அதற்கான விவரங்களை பட்டியலிட்டு நூலகத்தில் தயார் நிலையில் வைக்க வேண்டும். வாசர்கள் நூல்களை திரும்ப ஒப்படைக்கும் போது அவற்றை தனியே சேகரித்து கிருமி நாசினி கொண்டு முழுமையாக சுத்தப்படுத்த வேண்டும்.
* நூல்கள் வழங்கும் பிரிவில் வாசகர்களின் பார்வைக்கு வைக்கப்படும் நூல்களை தினமும் மாற்ற வேண்டும். இந்த நடைமுறைகளை மிகுந்த கவனத்துடன் பின்பற்றி நூலகங்களை செயல்படுத்துவது சம்பந்தப்பட்ட தலைமை நூலகரது பொறுப்பாகும்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்