SUN குழுமத்திலிருந்து வெளிவரும் காலை நாளிதழ்

திமிங்கலம் விழுங்கிய மனிதன்

2021-07-20@ 17:32:36

திமிங்கலம் விழுங்கிய மனிதன் ஒருவர் அதன் வயிற்றைக் கிழித்துக்கொண்டு வெளியே வந்த சாகசக் கதைகளை காமிக்ஸ் முதல் புனித நூல்கள் வரை பலவற்றிலும் வாசித்திருப்போம். அப்படியான சம்பவம் ஒன்று சமீபத்தில் நிஜமாகவே நடந்துள்ளது. அமெரிக்காவின் மாசாசூசெட்ஸ் மாகாணத்தைச் சேர்ந்தவர் மைக்கேல் பக்கார்ட் என்ற மீனவர். இவர் சிங்கிறால் எனப்படும் ஒருவகை இறாலைப் பிடிப்பதற்காக கடலுக்குள் சென்ற போது கூன்முதுகுத் திமிங்கலம் எனப்படும் பலீன் வகைத் திமிங்கலம் ஒன்று இவரை விழுங்கியது. விழுங்கிய முப்பது நாற்பது விநாடிகளில் திமிங்கலமே இவரை துப்பி
விட்டது. பெரிய காயங்கள் எலும்பு  முறிவு கள் எதுவும் இல்லை என்றாலும் உடனடி யாக மருத்துவமனையில் அனுமதிக்கப் பட்ட மைக்கேல் தற்போது நலமாக உள்ளார். பொதுவாக, பலீன் வகைத் திமிங்கலங்கள் வாயில் பற்கள் இருக்காது. பலீன் தகடு போன்ற அமைப்பே இருக்கும். இவை கடலுக்குள் கேலன் கணக்கில் தண்ணீரை விழுங்கும்போது அதில் இருக்கும் சிறு மீன்கள், கடல் உயிரிகளை சல்லடை போன்ற அந்த பலீன் தகடுகள் வடிகட்டி இறையாகப் பிடித்துக்கொள்ளும். தண்ணீர் வெளியேறிவிடும். இவற்றின் குடல் அமைப்பு நம் முஷ்டி அளவே இருக்கும் என்பதால் மனிதர்களை இவற்றால் விழுங்க முடியாது. பலீன் திமிங்கலங்கள் தண்ணீரை விழுங்கும்போது அவை எதிரில் இருப்பதை பார்ப்பதில்லை என்பதால் சமயங் களில் இப்படி பெரிய உயிர்களை தெரியாமல் விழுங்கிவிடுகின்றன. உடனடியாக அப்படி விழுங்கியதைத் துப்பியும் விடுகின்றன.

மேலும் செய்திகள்

Like Us on Facebook Dinkaran Daily News
  • china-1000-rains

    சீனாவில் 1,000 ஆண்டுகளில் இல்லாத அளவு கொட்டி தீர்த்த பெருமழை!: தண்ணீரில் தத்தளிக்கும் மக்கள்..!!

  • girlss_saydi

    சவுதி அரேபியாவில் உள்ள மெக்கா, மதினாவில் பாதுகாப்பு பணியில் முதல் முறையாக பெண் ராணுவத்தினர்!!

  • amesaann11

    அமேசான் நிறுவனர் ஜெப் பெசாஸின் முதல் விண்வெளி சுற்றுலா பயணம் : மெய்சிலிர்க்க வைக்கும் படங்கள்!!

  • marina-sculptures22

    மெரினாவின் அழகை மெருகூட்டும் பிரம்மாண்ட உலோக சிற்பங்கள்!: சென்னை மாநகராட்சியின் சிறந்த முயற்சி..!!

  • 5starrrr

    5 -ஸ்டார் ஹோட்டல்.. பிரார்த்தனை கூடம், குழந்தைகளுக்கு பாலூட்டும் அறை : விமான நிலையம் பாணியில் குஜராத் ரயில் நிலையம்!!

படங்கள் வீடியோ கல்வி சினிமா ஜோ‌திட‌ம்