SUN குழுமத்திலிருந்து வெளிவரும் காலை நாளிதழ்

அதிமுக பொதுக்குழு கூட்டம் செல்லாது என அறிவிக்க கோரிய வழக்கு!: பதில் மனு தாக்கல் செய்ய சசிகலாவுக்கு அவகாசம்..!!

2021-07-20@ 16:47:12

சென்னை: அதிமுக பொதுக்குழு கூட்டம் செல்லாது என தொடர்ந்த வழக்கில் பதில் மனு தாக்கல் செய்ய கால அவகாசம் வேண்டும் என்று சசிகலா தரப்பில் கேட்டுக் கொண்டதால் சென்னை சிட்டி சிவில் நீதிமன்றம் வழக்கு விசாரணையை 30ம் தேதிக்கு ஒத்திவைத்துள்ளது. அரசியலில் இருந்து ஒதுங்குவதாக சசிகலா அண்மையில் அறிக்கை வெளியிட்டிருந்தார். அப்போது அதிமுக பொதுக்குழு செல்லாது என்று அறிவிக்கக்கோரி சசிகலா தொடர்ந்த வழக்கு நான்காவது கூடுதல் சிவில் நீதிமன்ற நீதிபதி ரவி முன்பு விசாரணைக்கு வந்தது. டி.டி.வி. தினகரன் சார்பில் ஆஜரான வழக்கறிஞர் வழக்கை கைவிடுவதாக தெரிவித்தார். தற்போது சசிகலா அதிமுக தொண்டர்களுடன் தொலைபேசி வாயிலாக பேசி வருகிறார்.

அப்போது தாம் தொடர்ந்த வழக்கை வாபஸ் வாங்க போவதில்லை என்று கூறி வருகிறார். இந்த நிலையில் அதிமுக பொதுக்குழு கூட்டம் செல்லாது என்று சசிகலா தொடர்ந்த வழக்கு மீண்டும் விசாரணைக்கு வந்தது. இந்த வழக்கில் ஏற்கனவே ஓ.பன்னீர்செல்வம், எடப்பாடி பழனிசாமி ஆகியோர் பதில் மனு தாக்கல் செய்திருந்தனர். அதில் அதிமுக பொதுக்குழு முறைப்படியே நடந்ததாக அவர்கள் தெரிவித்தனர். இதுகுறித்து பதில் அளிக்க கால அவகாசம் வேண்டும் என்று சசிகலா தரப்பில் வழக்கறிஞர் ராஜா செந்தூர்பாண்டியன் கேட்டுக்கொண்டார். இதனையடுத்து வழக்கு விசாரணையை சிட்டி சிவில் நீதிமன்றம் 30ம் தேதி ஒத்திவைத்துள்ளது.

மேலும் செய்திகள்

Like Us on Facebook Dinkaran Daily News
  • karnataka-schools-25

    20 மாதங்களுக்கு பின் கர்நாடகத்தில் தொடக்க பள்ளிகள் திறப்பு!: ஆர்வமுடன் பள்ளி செல்லும் மழலைகள்..!!

  • wheel-uae-25

    250 மீ. உயரம்...1,750 பேர் பயணிக்கலாம்!: உலகிலேயே மிகப்பெரிய ராட்டினம் ஐக்கிய அரபு அமீரகத்தில் திறப்பு..!!

  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

படங்கள் வீடியோ கல்வி சினிமா ஜோ‌திட‌ம்