SUN குழுமத்திலிருந்து வெளிவரும் காலை நாளிதழ்

Dinakaran Daily news

குமரியில் அதிமுக கூடாரம் காலி: கூண்டோடு திமுகவில் இணைகிறார்கள்

2021-07-20@ 15:22:31

நாகர்கோவில்: குமரி மாவட்ட அதிமுக கூடாரம் காலியாகிறது. முக்கிய நிர்வாகிகள் பலர் இன்று மாலை சென்னையில் முதல்வர் மு.க.ஸ்டாலினை சந்தித்து திமுகவில் இணைகிறார்கள். அதிமுக ஒருங்கிணைப்பாளர் பன்னீர் செல்வம், இணை ஒருங்கிணைப்பாளர் எடப்பாடி பழனிச்சாமி ஆகியோர் நேற்று இரவு வெளியிட்ட அறிக்கை: அதிமுகவின் கொள்கை, கோட்பாடுகளுக்கு முரணாகவும், கட்சிக்கு அவப்பெயர் உண்டாகும் வகையில் செயல்பட்டதாலும், குமரி கிழக்கு மாவட்ட துணை செயலாளர் முன்னாள் எம்.எல்.ஏ. ராஜன், மாவட்ட இணை செயலாளர் லதா ராமச்சந்திரன், தோவாளை ஒன்றிய முன்னாள் செயலாளர் கிருஷ்ணகுமார், ஆரல்வாய்மொழி பேரூர் செயலாளர் மாடசுவாமி, ேதாவாளை ஒன்றிய அவைத்தலைவர் மோசஸ் ராமச்சந்திரன், தோவாளை வடக்கு ஒன்றிய பொருளாளர் தென்கரை மகாராஜன், தெற்கு ஒன்றிய இளைஞர் பாசறை, இளம்பெண்கள் பாசறை செயலாளர் பாலசுப்பிரமணியன் என்ற சுதாகர்,

தோவாளை வடக்கு ஒன்றிய மாவட்ட பிரதிநிதி ஜெயந்தி, மேற்கு மாவட்டத்தை சேர்ந்த கலை இலக்கிய அணி துணை செயலாளர் நாஞ்சில் டொமினிக், மாவட்ட இளைஞர் இளம்பெண்கள் பாசறை இணை செயலாளர் வரதராஜன் ஆகியோர் கட்சியின் அடிப்படை உறுப்பினர் உள்பட அனைத்து பொறுப்பில் இருந்தும் நீக்கி வைக்கப்படுகிறார்கள் என தெரிவித்துள்ளனர். குமரி மாவட்ட அதிமுக நிர்வாகிகள் பலரை அதிமுகவில் இருந்து நீக்கி இருப்பது பரபரப்பை ஏற்படுத்தியது. குறிப்பாக தோவாளை ஒன்றியத்தில் இருந்து பலர் நீக்கப்பட்டுள்ளனர். இந்நிலையில் அதிமுகவில் இருந்து நீக்கப்பட்ட முக்கிய நிர்வாகிகள் பலர் சென்னையில் முகாமிட்டுள்ளனர். அவர்கள் இன்று மாலை முதலமைச்சர் மு.க.ஸ்டாலினை சந்தித்து திமுகவில் இணைய உள்ளதாக கூறப்படுகிறது. இதையடுத்து குமரியில் அதிமுக கூடாரம் காலியாகி விட்டதாக தெரிகிறது.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்