SUN குழுமத்திலிருந்து வெளிவரும் காலை நாளிதழ்

திருப்பூரில் சலசலப்பு!: எச்சில் தொட்டு பயணச்சீட்டு கொடுத்த நடத்துநருக்கு பேருந்து நிழற்குடையில் வைத்தே கொரோனா பரிசோதனை...சுகாதாரத்துறை அதிரடி..!!

2021-07-16@ 15:29:32

திருப்பூர்: கோயம்புத்தூரில் இருந்து திருப்பூர் வந்த அரசு பேருந்தில் எச்சில் தொட்டு பயணச்சீட்டு வழங்கிய நடத்துநருக்கு பேருந்து நிறுத்த நிழற்குடையில் வைத்தே கொரோனா பரிசோதனை மேற்கொள்ளப்பட்டது. கொரோனா தொற்று சற்றே குறைந்திருக்கும் நிலையில் அண்மையில் பொது போக்குவரத்துக்கு அனுமதி வழங்கப்பட்டது. இந்த நிலையில் இன்று காலை கோயம்புத்தூரில் இருந்து திருப்பூருக்கு 57 பயணிகளுடன் அரசு பேருந்து ஒன்று வந்து கொண்டிருந்தது. அப்போது பேருந்து நடத்துநர் எச்சிலை தொட்டு பயணச்சீட்டுகளை கொடுத்துக் கொண்டிருந்தார். கொரோனா தொற்று பரவும் காலம் என்பதால் அவரது செயலுக்கு பயணிகள் கடும் எதிர்ப்பு தெரிவித்தார்கள்.

ஆனால் அவர்களது எதிர்ப்பையும் பொருட்படுத்தாமல் தொடர்ந்து அவர் எச்சில் தொட்டே பயணச்சீட்டுகளை வழங்கி கொண்டிருந்தார். இதனால் கோபமடைந்த பயணிகள் சிலர், உடனடியாக சுகாதாரத்துறை அதிகாரிகளுக்கு தகவல் தெரிவித்தனர். அதை தொடர்ந்து திருப்பூருக்குள் பேருந்து நுழைவதற்கு முன்பாகவே சுகாதாரத்துறை ஊழியர்கள் கொரோனா பரிசோதனை உபகாரணங்களோடு தயார் நிலையில் நின்றிருந்தார்கள். அந்த பேருந்து திருப்பூர் மாவட்ட ஆட்சியர் அருகே வந்ததும் அங்குள்ள நிகழ்க்குடையில் அமரவைத்து பேருந்து நடத்துநருக்கு கொரோனா தொற்று பரிசோதனை மேற்கொள்ளப்பட்டுள்ளது. பேருந்து நடத்துநர்கள் எச்சிலை தொட்டு பயணச்சீட்டை கிழித்து தரக்கூடாது என்று சுகாதாரத்துறை அதிகாரிகள் வலியுறுத்தியுள்ளனர்.

மேலும் செய்திகள்

Like Us on Facebook Dinkaran Daily News
  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

  • cryingroom-19

    இனி வீட்டில் அழுகாதீங்க!: மனதில் உள்ளதைக் கொட்டித் தீர்க்க ஸ்பெயினில் 'அழுகை அறை' அறிமுகம்..!!

  • baloon111

    பலூனை தட்டி விளையாடுபவர்களுக்கான உலகக் கோப்பை டோர்னமென்ட்: ஸ்பெயினில் வினோதம்!!

படங்கள் வீடியோ கல்வி சினிமா ஜோ‌திட‌ம்