SUN குழுமத்திலிருந்து வெளிவரும் காலை நாளிதழ்

கொடைக்கானலில் அரசு கலை கல்லூரி அமைக்க இடம் ஆய்வு

2021-07-16@ 12:44:43

கொடைக்கானல்: கொடைக்கானல் மலைப்பகுதியில் 20க்கும் மேற்பட்ட மலை கிராமங்கள் உள்ளன. இங்குள்ள மாணவர்கள் தங்களது மேற்படிப்பை தொடர வெளியூர்களுக்குதான் செல்ல வேண்டும். இதனால் மிகவும் பிற்படுத்தப்பட்ட நிலையில் உள்ள குடும்பங்களை சேர்ந்த மாணவர்கள், தங்களது மேற்படிப்பை படிக்காமலே விட்டு விடும் அவலநிலை ஏற்படுகிறது. அதேநேரம் கொடைக்கானலில் அன்னை தெரசா மகளிர் பல்கலைக்கழகம் மற்றும் அரசு கல்லூரி இருப்பதால் மாணவிகள் தங்களது மேற்படிப்பை எளிதில் படித்து வாழ்க்கை தரத்தை உயர்த்தி வருகின்றனர். இதேபோல் மேற்படிப்பை தொடர மாணவர்களுக்கும் ஒரு அரசு கல்லூரி அமைக்க வேண்டும் என பெற்றோர்கள் தரப்பில் பல ஆண்டுகளாக கோரிக்கை விடுக்கப்பட்டு வந்தது. இதுபற்றி கடந்த சட்டமன்ற தேர்தல் நேரத்தில் பழநி எம்எல்ஏ ஐபி.செந்தில்குமார், திமுக வெற்றி பெற்ற உடன் கொடைக்கானலில் அரசு கல்லூரி அமைக்கப்படும் என வாக்குறுதி அளித்திருந்தார்.

அதனடிப்படையில் எம்எல்ஏ அறிவுறுத்தலின்படி நேற்று கொடைக்கானல் ஆர்டிஓ முருகேசன், திமுக நகர செயலாளர் முகமது இப்ராகிம் ஆகியோர் அரசு கலை கல்லூரி அமைப்பதற்காக தேர்வு செய்யப்பட்ட ரைபிள் ரேஞ்ச் ரோடு பகுதியில் உள்ள தோட்டக்கலைத்துறைக்கு சொந்தமான 60 ஏக்கர் இடத்தை ஆய்வு செய்தனர். உடன் தோட்டக்கலைத்துறை துணை இயக்குனர் சீதாலட்சுமி, உதவி இயக்குனர் ரமேஷ், கண்காணிப்பாளர் சரவணன், திமுக இளைஞரணி அமைப்பாளர் மாயக்கண்ணன், நகர அவைத்தலைவர் மரியஜெயந்தன் ஆகியோர் இருந்தனர். பின்னர் ஆர்டிஓ கூறுகையில், ‘கல்வித்தந்தை காமராஜர் பிறந்தநாளான இன்று கொடைக்கானல் மலைப்பகுதி மாணவர்களின் உயர்கல்விக்காக அரசு கல்லூரி அமைக்க இந்த இடத்தை ஆய்வு செய்துள்ளோம். இதுபற்றி அரசுக்கு உரிய அறிக்கை அனுப்பப்படும். அதன்பின் அடுத்தகட்ட நடவடிக்கைகள் மேற்கொள்ளப்படும்’ என்றார்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்