SUN குழுமத்திலிருந்து வெளிவரும் காலை நாளிதழ்

கோபா அமெரிக்கா கால்பந்து: பிரேசிலை வீழ்த்தி அர்ஜென்டினா சாம்பியன்..! 28 ஆண்டுக்கு பின் மகுடம் சூடியது

2021-07-11@ 14:55:27

ரியோ டிஜெனிரோ: தென் அமெரிக்க கண்டத்தைச் சேர்ந்த 10 அணிகள் பங்கேற்ற கோபா கோப்பை கால்பந்து தொடர் பிரேசிலில் நடந்து வந்தது. இதில், அரையிறுதியில் அர்ஜென்டினா அணி கொலம்பியாவையும், பிரேசில் அணி பெருவையும் வீழ்த்தி பைனலுக்கு முன்னேறின. பிரேசில் தலைநகர் ரியோ டிஜெனிரோவில் இந்திய நேரப்படி இன்று அதிகாலை 5.30மணிக்கு தொடங்கி நடந்த இறுதி போட்டியில் பிரேசில்-அர்ஜென்டினா அணிகள் பலப்பரீட்சை நடத்தின. பிபா தரவரிசையில் 4வது இடத்தில் உள்ள பிரேசில் கேப்டன் தியாகோ சில்வா தலைமையிலும், 8-வது இடத்தில் உள்ள அர்ஜென்டினா நட்சத்திர வீரர் மெஸ்சி தலைமையிலும் களம் இறங்கின. விறுவிறுப்புடன் தொடங்கிய இந்த ஆட்டத்தில் அர்ஜென்டினா ஆதிக்கம் செலுத்தியது.

22வது நிமிடத்தில், அர்ஜென்டினாவின் ஏஞ்சல் டி மரியா கோல் அடித்து முன்னிலை ஏற்படுத்தினார். இதற்கு பதில் கோல் அடிக்க பிரேசில் வீரர்கள் போராடியும் பலன் கிடைக்கவில்லை. இதனால் முதல் பாதியில் 1-0 என அர்ஜென்டினா முன்னிலை பெற்றது. ஆட்டத்தின் 2வது பாதியிலும் அர்ஜென்டினாவின் ஆதிக்கமே தொடர்ந்தது. குறிப்பாக மெஸ்சியின் ஆட்டம் அற்புதமாக இருந்தது. அவர் கோல் அடிக்க பல வாய்ப்புகளை ஏற்படுத்தினார். ஆனால் அந்த வாய்ப்புகள் நழுவியது. பிரேசில் நட்சத்திர வீரர் நெய்மர், சில்வா, லூகாஸ், ரிச்சர்லிசன், எவர்டன் சோரெஸ், ஃபிரெட் உள்பட அணியினர் கோல் அடிக்க கடுமையாக போராடினர். ஆக்ரோஷமாக ஆடியும் கடைசி வரை அதற்கு பலன் கிடைக்கவில்லை. கூடுதலாக 5நிமிடங்கள் ஒதுக்கப்பட்ட நிலையிலும் கோல் அடிக்க முடியவில்லை.

இதனால் அர்ஜென்டினா 1-0 என்ற கோல் கணக்கில் வெற்றி பெற்று சாம்பியன் பட்டத்தை கைப்பற்றியது. இதனை மைதானத்தில் மெஸ்சி மற்றும் வீரர்கள், அந்நாட்டு ரசிகர்கள் கொண்டாடி மகிழ்ந்தனர்.அர்ஜென்டினா அணி 15வது முறையாக கோபா அமெரிக்கா கோப்பையை வென்றுள்ளது. கடைசியாக 1993ம் ஆண்டு சாம்பியன் பட்டம் வென்ற நிலையில், 28 ஆண்டுகளுக்கு பின் மீண்டும் சாம்பியன் பட்டம் கைப்பற்றி இருக்கிறது. சொந்த மண்ணில் களம் இறங்கிய பிரேசில் 10வது முறையாக கோப்பையை வெல்லும் வாய்ப்பு இருந்தது. ஆனால் தோல்வியால் வீரர்கள் மற்றும் ரசிகர்கள் ஏமாற்றம் அடைந்தனர். மகுடம் ஆடிய அர்ஜென்டினா அணிக்கு ரூ.47 கோடியும், 2வது இடம் பெற்ற பிரேசிலுக்கு ரூ.25 கோடியும் பரிசாக வழங்கப்பட்டது.

Like Us on Facebook Dinkaran Daily News
  • nepal_snowfall

    நேபாளத்தில் பனிச்சரிவில் சிக்கி 2 மலையேற்ற வீரர்கள் உயிரிழப்பு; பலர் காயம்

  • italy-first-female

    இத்தாலியில் முதல் பெண் பிரதமராக ஜியோர்ஜியா மெலோனி

  • shooting-russia-school-26

    ரஷ்யாவில் பள்ளி வளாகத்தில் மர்மநபர் நடத்திய துப்பாக்கிச்சூட்டில் 7 சிறுவர்கள் உட்பட 13 பேர் உயிரிழப்பு..!!

  • nia-23-kerala

    பிஎஃப்ஐ இடங்களில் என்ஐஏ சோதனைக்கு கண்டனம்: கேரளாவில் முழு அடைப்பு; வாகன கண்ணாடி உடைப்பு; பெட்ரோல் குண்டு வீச்சு..!!

  • ship-22

    இஸ்ரேல் கடற்கரையில் 1300 ஆண்டுகள் பழமையான கப்பல் கண்டுபிடிப்பு..!!

படங்கள் வீடியோ கல்வி சினிமா ஜோ‌திட‌ம்