SUN குழுமத்திலிருந்து வெளிவரும் காலை நாளிதழ்

அதிமுக முன்னாள் அமைச்சர் ராஜேந்திரபாலாஜி மீதான சொத்துகுவிப்பு புகார் குறித்த வழக்கில் 3வது நீதிபதி நியமனம்..!!

2021-06-26@ 12:20:28

சென்னை: அதிமுக முன்னாள் அமைச்சர் ராஜேந்திரபாலாஜி மீதான சொத்துகுவிப்பு புகார் குறித்த வழக்கில் 3வது நீதிபதி நியமனம் செய்யப்பட்டிருக்கிறார். மகேந்திரன் என்பவரின் மனுவை விசாரித்த 2 நீதிபதிகளும் மாறுபட்ட தீர்ப்புகளை வழங்கியதால் 3வது நீதிபதி நியமனம் செய்யப்பட்டிருக்கிறார். மதுரையை சேர்ந்த மகேந்திரன் என்பவர் சென்னை உயர்நீதிமன்றத்தில் பொதுநல வழக்கு ஒன்றினை தொடர்ந்திருந்தார்.

அதில் அமைச்சராக இருந்த போது ராஜேந்திரபாலாஜி குறிப்பிட்ட சொத்துக்களை கணக்கு காட்டி அதிகளவில் சொத்து சேர்த்ததாகவும் இதுகுறித்து உரிய விசாரணை நடத்த வேண்டும் என்றும்  கேட்டுக் கொண்டிருந்தார். இந்த வழக்கின் விசாரணை சென்னை உயர்நீதிமன்ற அப்போதைய நீதிபதிகளாக இருந்த சத்யநாராயணன், நீதிபதி ஹேமலதா ஆகியோர் முன்பு நடைபெற்றது. அப்போது நீதிபதி சத்யநாராயணன் இந்த வழக்கு தொடர்பாக தனி அதிகாரி ஒருவரை நியமித்து விசாரிக்க உத்தரவிட்டிருந்தார்.

அந்த விசாரணை அறிக்கையும் தாக்கல் செய்யப்பட்டது. பின்னர் வழக்கு தேதி குறிப்பிடாமல் ஒத்திவைக்கப்பட்டிருந்தது. தொடர்ந்து தேர்தலுக்கு முன்பு இந்த வழக்கில் இரண்டு நீதிபதிகள் கொண்ட அமர்வு தீர்ப்பளித்தது. அதாவது ஒரு நீதிபதி புகாரில் முகாந்திரம் இல்லை என்றும் மற்றொரு நீதிபதி முகாந்திரம் இருப்பதாகவும் தீர்ப்பளித்தனர்.

இவ்வாறு மாறுபட்ட தீர்ப்பாக வழங்கப்பட்டதினால் 3வது நீதிபதியை நியமிக்க வழக்கின் தலைமை நீதிபதிக்கு பரிந்துரைக்கப்பட்டது. இந்த நிலையில் தற்போது 3வது நீதிபதியாக நீதிபதி நிர்மல்குமார் நியமனம் செய்யப்பட்டிருக்கிறார். இதையடுத்து, நீதிபதி நிர்மல்குமார் முன்பு இந்த வழக்கின் விசாரணை என்பது நடைபெறும். அதன்பிறகு அடுத்தகட்ட விசாரணையை லஞ்சஒழிப்புத்துறை தொடங்கும்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்