SUN குழுமத்திலிருந்து வெளிவரும் காலை நாளிதழ்

ராமநாதபுரம் மாவட்டம் கமுதி அருகே அதானி சோலார் மின் உற்பத்தி நிலையத்தில் காப்பர் வயர் திருட்டு!: 2 பேர் கைது..ரூ.2.50 லட்சம் பறிமுதல்..!!

2021-06-24@ 15:19:48

ராமநாதபுரம்: ராமநாதபுரம் மாவட்டம் கமுதி அருகே அதானி சோலார் மின் உற்பத்தி நிலையத்தில் காப்பர் வயரை திருடியதாக 2 பேரை கைது செய்துள்ள போலீசார், அவர்களிடம் இருந்து இரண்டரை லட்சம் ரூபாய் பணம் மற்றும் டிராக்டர், இருசக்கர வாகனத்தை பறிமுதல் செய்துள்ளனர். கமுதி அருகே சிங்கப்படை, தாதா குளம், இடையன்குளம், புதுக்கோட்டை, சேந்தனேந்தல் ஆகிய பகுதியில் 6,500 ஏக்கரில் அதானி சோலார் மின் திட்டம் 648 மெகாவாட் சூரியஒளி மின் உற்பத்தி நிலையம் அமைந்துள்ளது. 


இந்த மின் உற்பத்தி நிலையத்தில் கடந்த 16ம் தேதி ஒன்றரை லட்சம் மதிப்புள்ள 9000 மீட்டர் காப்பர் வயர் திருடுபோனது தெரியவந்தது. இது தொடர்பாக சோலார் மின் உற்பத்தி நிர்வாகம் கோவிலாங்குளம் காவல்நிலையத்தில் அளித்த புகாரின் பேரில் போலீசார் 4 பேர் மீது வழக்குப்பதிவு செய்து விசாரணை நடத்தி வந்தனர். 


இந்த நிலையில் தொட்டியாபட்டியை சேர்ந்த செந்தூர் முருகன், வேல் முருகன் ஆகிய 2 பேரை கோவிலாங்குளம் போலீசார் கைது செய்துள்ளனர். மேலும் வேல்முருகன், ராமசந்திரன் ஆகிய 2 பேரை போலீசார் தேடி வருகின்றனர். கைது செய்யப்பட்டவரிடம் இருந்து 2 லட்சத்து 52 ஆயிரத்து 500 ரூபாய் பணம், திருட்டுக்கு பயன்படுத்தப்பட்ட டிராக்டர் மற்றும் இருசக்கர வாகனத்தை பறிமுதல் செய்தனர்.

மேலும் செய்திகள்

Like Us on Facebook Dinkaran Daily News
  • karnataka-schools-25

    20 மாதங்களுக்கு பின் கர்நாடகத்தில் தொடக்க பள்ளிகள் திறப்பு!: ஆர்வமுடன் பள்ளி செல்லும் மழலைகள்..!!

  • wheel-uae-25

    250 மீ. உயரம்...1,750 பேர் பயணிக்கலாம்!: உலகிலேயே மிகப்பெரிய ராட்டினம் ஐக்கிய அரபு அமீரகத்தில் திறப்பு..!!

  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

படங்கள் வீடியோ கல்வி சினிமா ஜோ‌திட‌ம்