SUN குழுமத்திலிருந்து வெளிவரும் காலை நாளிதழ்

ராமநாதபுரம் மாவட்ட கடற்கரைக்கு அழைத்து வந்து இலங்கை தமிழர்கள் 4 பேரிடம் மங்களூர் போலீசார் விசாரணை

2021-06-21@ 00:51:24

ராமநாதபுரம்: மர்மப்படகு மூலம் கனடா செல்ல தமிழகத்திற்குள் ஊடுருவிய இலங்கை தமிழர்களை போலீசார் கைது செய்தனர். அவர்களில் 4 பேரை மங்களூர் தனிப்படை போலீசார் வேதாளை அழைத்து வந்து விசாரித்தனர். இலங்கை, புத்தளம் மாவட்டத்தை சேர்ந்த இலங்கை தமிழர் 34 பேர் மர்மப்படகில் கனடா செல்ல திட்டமிட்டனர். மே 27ம்தேதி புத்தளம் கடற்கரையில் புறப்பட்டு 28ம் தேதி அதிகாலை, ராமநாதபுரம் மாவட்டம் மண்டபம் அருகே வேதாளை கடற்கரை வந்தனர்.  இங்கிருந்து மங்களூரு சென்று கடல் வழியாக கனடா தப்பிச்செல்ல முயன்ற 34 பேரையும், ஜூன் 11ல் மங்களூரு போலீசார் கைது செய்தனர். இதில் 4 பேரை மட்டும் போலீஸ் காவலில் எடுத்த மங்களூரு போலீசார், அவர்களை மண்டபம் அருகே வேதாளை கடற்கரைக்கு நேற்று அழைத்து வந்தனர்.

இலங்கையில் இருந்து வேதாளை கடற்கரையில் வந்து இறங்கியது எப்படி, மரைக்காயர்பட்டினத்தில் அடைக்கலம் கொடுத்தவர் வீட்டில் தங்கி இருந்தது தொடர்பாக அவர்களிடம் ஒப்புதல் வாக்குமூலம் பெற்றனர். இவர்களுக்கு அடைக்கலம் கொடுத்த இம்ரான்கான் தலைமறைவாகியுள்ளார். அவரது வீட்டிற்கு மங்களூர் தனிப்படையினர் சென்றனர். வீடு பூட்டி இருந்ததால் அக்கம்பக்கத்தினரிடம் விசாரித்தனர். ராமநாதபுரம் கியூ பிரிவு போலீசாரின் உதவியுடன் மங்களூரு போலீசார் தொடர்ந்து விசாரித்து வருகின்றனர்.

மேலும் செய்திகள்

Like Us on Facebook Dinkaran Daily News
  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

  • iceland-16

    ஐஸ்லாந்தில் இரவையே பகலாக மாற்றிய எரிமலை தீக்குழம்பு..!!

  • dolphins-15

    டென்மார்க்கின் ஃபாரோ தீவுகளில் ஒரேநாளில் கொன்று குவிக்கப்பட்ட 1,428 டால்பின்கள்!: செந்நிறமாக மாறிய கடற்கரை..!!

படங்கள் வீடியோ கல்வி சினிமா ஜோ‌திட‌ம்