SUN குழுமத்திலிருந்து வெளிவரும் காலை நாளிதழ்

போபால் மத்திய சிறையில் அடைக்கப்பட்டுள்ள 23 ‘சிமி’ கைதிகள் தடுப்பூசி போட மறுப்பு: சிறை துணை கண்காணிப்பாளர் தகவல்

2021-06-14@ 21:17:22

போபால்: போபால் மத்திய சிறையில் அடைக்கப்பட்டுள்ள 23 சிமி தீவிரவாத அமைப்பின் கைதிகள் தடுப்பூசி போட்டுக் கொள்ள மறுத்து வருவதாக சிறையின் துணை கண்காணிப்பாளர் தெரிவித்தார். நாடு முழுவதும் கொரோனா தடுப்பூசி பிரசாரம் தீவிரமாகி வரும் நிலையில், மத்திய, கிளைச் சிறைகளில் அடைக்கப்பட்டுள்ள கைதிகளுக்கும் தடுப்பூசி போடப்பட்டு வருகிறது. இந்நிலையில், மத்திய பிரதேச மாநிலம் போபால் சிறை நிர்வாகத்திற்கு, கைதிகளுக்கு தடுப்பூசி போடுவதில் ஒரு சவாலை சந்தித்துள்ளனர். போபால் மத்திய சிறையில் அடைக்கப்பட்டுள்ள 23 சிமி (தீவிரவாத அமைப்பு) கைதிகள், கொரோனா தடுப்பூசி போட்டுக் கொள்ள மறுத்துவிட்டனர்.

இந்த கைதிகள் அனைவரும், தொடர் குண்டுவெடிப்பு உள்ளிட்ட மிகக் கடுமையான வழக்குகளின் கீழ் தண்டனையை அனுபவித்து வருகின்றனர். இதுகுறித்து போபால் சிறை துணை கண்காணிப்பாளர் பிரியதர்ஷன் வஸ்தவா கூறுகையில், ‘சிறையில் கைதிகளிடையே அதிக இடைவெளி உள்ளது. அதேநேரம் சிறையின் குறிப்பிட்ட  இடத்தில் மட்டுமே கைதி இருந்தாக வேண்டும். அத்தகைய சூழ்நிலையில், அவர்களுக்கும் கொரோனா தொற்று ஏற்பட அதிக வாய்ப்புள்ளது. அதனால், போபால் சிறையில் அடைக்கப்பட்டுள்ள 1,278 கைதிகளுக்கு ஏப்ரலிலும், 2,219 பேருக்கு மே மாதத்திலும் தடுப்பூசி போடப்பட்டது.

ஆனால் சிமி அமைப்பின் 28 கைதிகளில், 23 கைதிகள் கொரோனா தடுப்பூசி போட்டுக் கொள்ள மறுத்துவிட்டனர். அதேநேரம், சஃப்தார் நாகோரி உட்பட 5 சிமி கைதிகள் போட்டுக் கொண்டனர். மீதமுள்ள சிமி கைதிகள் தங்களது மத கோட்பாட்டின்படி தடுப்பூசியை போட்டுக் கொள்ள மறுத்துவிட்டனர். அவர்களுக்கு நாங்கள் தொடர்ந்து ஆலோசனைகளை வழங்குகிறோம். கொரோனா தடுப்பூசி போட்டுக் கொண்ட சக சிமி கைதிகள், தடுப்பூசியை போட மறுக்கும் மற்ற சிமி கைதிகளுக்கு விழிப்புணர்வு ஏற்படுத்தி வருகின்றனர். இருந்தும் அவர்கள், இப்போதைக்கு தடுப்பூசி போட்டுக் கொள்வதில்லை என்பதில் உறுதியாக உள்ளனர்’ என்றார்.

மேலும் செய்திகள்

Like Us on Facebook Dinkaran Daily News
  • china-1000-rains

    சீனாவில் 1,000 ஆண்டுகளில் இல்லாத அளவு கொட்டி தீர்த்த பெருமழை!: தண்ணீரில் தத்தளிக்கும் மக்கள்..!!

  • girlss_saydi

    சவுதி அரேபியாவில் உள்ள மெக்கா, மதினாவில் பாதுகாப்பு பணியில் முதல் முறையாக பெண் ராணுவத்தினர்!!

  • amesaann11

    அமேசான் நிறுவனர் ஜெப் பெசாஸின் முதல் விண்வெளி சுற்றுலா பயணம் : மெய்சிலிர்க்க வைக்கும் படங்கள்!!

  • marina-sculptures22

    மெரினாவின் அழகை மெருகூட்டும் பிரம்மாண்ட உலோக சிற்பங்கள்!: சென்னை மாநகராட்சியின் சிறந்த முயற்சி..!!

  • 5starrrr

    5 -ஸ்டார் ஹோட்டல்.. பிரார்த்தனை கூடம், குழந்தைகளுக்கு பாலூட்டும் அறை : விமான நிலையம் பாணியில் குஜராத் ரயில் நிலையம்!!

படங்கள் வீடியோ கல்வி சினிமா ஜோ‌திட‌ம்