SUN குழுமத்திலிருந்து வெளிவரும் காலை நாளிதழ்

2024 மக்களவை தேர்தலில் பாஜ.வுக்கு எதிராக 3வது அணி வருமா? சரத் பவார் - பிரஷாந்த் கிஷோர் திடீர் சந்திப்பு

2021-06-12@ 01:23:17

மும்பை: மகாராஷ்டிராவில் பாஜ கூட்டணியை முறித்துக் கொண்ட சிவசேனா, காங்கிரஸ் மற்றும் தேசியவாத காங்கிரஸ் கட்சிகளுடன் இணைந்து ஆட்சி அமைத்தது. சமீபத்தில், சிவசேனா தலைவரும், அம்மாநில முதல்வருமான உத்தவ் தாக்கரே பிரதமர் மோடியை தனியாக சந்தித்து பேசியது அரசியலில் பரபரப்பை ஏற்படுத்தியது. இந்த சந்திப்பின் போது மகாராஷ்டிராவில் மீண்டும் பாரதிய ஜனதா, சிவசேனா கூட்டணியை அமைப்பது பற்றி இருவரும் பேசியிருக்கலாம் என்றும், இதனால் மகாராஷ்டிராவில் கூட்டணி அரசு கவிழும் அபாயம் இருப்பதாகவும் ஊகங்கள் வெளியாகின. அப்போது,‘கூட்டணி அரசு 5 ஆண்டுகள் நீடிக்கும். அடுத்த தேர்தலிலும் கூட்டணி தொடரும்,’ என்று தேசியவாத காங்கிரஸ் தலைவர் சரத் பவார் கூறினார். பிரபல தேர்தல் உத்தி வகுப்பாளரான பிரஷாந்த் கிஷோர், சரத் பவாரை மும்பையில் உள்ள அவருடைய வீட்டில் நேற்று சந்தித்து பேசினார். இந்த சந்திப்பு முக்கியத்துவம் வாய்ந்ததாக கருதப்படுகிறது. 2024 தேர்தலில் பவார் தலைமையில் பாஜ.வுக்கு எதிரான கூட்டணியை அமைக்க வியூகம் வகுக்கப்பட வாய்ப்பு உள்ளதாக கூறப்படுகிறது. ஆனால், தேர்தல் உத்தி வகுப்பதில் இருந்து தான் விலகிக் கொள்ளதாக பிரஷாந்த் கிஷோர் அறிவித்ததை சுட்டிக்காட்டி, மேற்கண்ட ஊகங்களை மகாராஷ்டிரா துணை முதல்வர் அஜித் பவார் மறுத்துள்ளார்.

மேலும் செய்திகள்

Like Us on Facebook Dinkaran Daily News
  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

  • iceland-16

    ஐஸ்லாந்தில் இரவையே பகலாக மாற்றிய எரிமலை தீக்குழம்பு..!!

  • dolphins-15

    டென்மார்க்கின் ஃபாரோ தீவுகளில் ஒரேநாளில் கொன்று குவிக்கப்பட்ட 1,428 டால்பின்கள்!: செந்நிறமாக மாறிய கடற்கரை..!!

  • anna-15

    பேரறிஞர் அண்ணாவின் 113வது பிறந்தநாள்!: முதல்வர் மு.க.ஸ்டாலின், வைகோ உள்ளிட்ட அரசியல் கட்சி தலைவர் மலர்தூவி மரியாதை..!!

  • gujarat-14

    கொட்டி தீர்த்த கனமழையால் ஸ்தம்பிக்கும் குஜராத், ஒடிசா மாநிலங்கள்!: சாலைகள், தெருக்களை ஆக்கிரமித்த வெள்ளம்..!!

படங்கள் வீடியோ கல்வி சினிமா ஜோ‌திட‌ம்