SUN குழுமத்திலிருந்து வெளிவரும் காலை நாளிதழ்

சாராயம் கிடைக்காத விரக்தி!: அரியலூரில் சானிடைசர் குடித்து ஒருவர் பலி...2 பேர் கவலைக்கிடம்..!!

2021-06-10@ 10:57:53

அரியலூர்: அரியலூரில் சாராயம் கிடைக்காத விரக்தியில் சானிடைசர் குடித்த இளைஞர் பரிதாபமாக உயிரிழந்தது பரபரப்பை ஏற்படுத்தியிருக்கிறது. தமிழகத்தில் கொரோனா தீவிரம் எதிரொலியாக ஊரடங்கு உத்தரவு பிறப்பிக்கப்பட்டு டாஸ்மாக் கடைகள் அனைத்தும் மூடப்பட்டுள்ளன. இதனால் போதைக்கு அடிமையாக கிடக்கும் மதுபிரியர்கள், மது கிடைக்காத விரக்தியில் சானிடைசரை குடித்து மரணிப்பது, வீட்டிலேயே கள்ள சாராயம் காய்ச்சுவது போன்ற செயல்களில் ஈடுபடுவது அதிர்ச்சியை ஏற்படுத்தியிருக்கிறது. இந்நிலையில் அரியலூர் அருகே சானிடைசர் குடித்து ஒருவர் பலியாகியுள்ளார். 


அரியலூர் மேல் அக்ரஹாரம் தெருவை சேர்ந்த இளங்கோவன் என்ற ஆட்டோ ஓட்டுனரே உயிரிழந்தவர் ஆவார். இளங்கோவன் தனது நண்பர்கள் மோகன் மற்றும் சரவணனுடன் சேர்ந்து கடந்த 7ம் தேதி போதைக்காக சானிடைசரை குடித்துள்ளனர். இதனால் உடல்நலம் பாதிக்கப்பட்ட இளங்கோவன், அரியலூர் அரசு மருத்துவமனையில் சிகிச்சை பெற்றார். பின்னர் தஞ்சை மருத்துவக் கல்லூரி மருத்துவமனையில் மேல் சிகிச்சை பெற்று வந்த நிலையில், சிகிச்சை பலனின்றி உயிரிழந்தார். 


மேலும் உடல்நலம் பாதிக்கப்பட்ட மோகன் மற்றும் சரவணன் ஆகிய இரண்டு பேரும் புதுச்சேரி அரசு மருத்துவமனையில் சிகிச்சை பெற்று வருகின்றனர். சானிடைசர் குடித்து இளைஞர் இளங்கோவன் உயிரிழந்தது தொடர்பாக அரியலூர் போலீசார் வழக்குப்பதிவு செய்து விசாரணை மேற்கொண்டு வருகின்றனர். 

மேலும் செய்திகள்

Like Us on Facebook Dinkaran Daily News
  • iceberg-boat-23

    இது படகா...இல்ல பனிப்பாறையா...?: பிரான்ஸ் ஓவியரின் கில்லாடி ஐடியா..!!

  • thailand-taxi-23

    தாய்லாந்தில் காய்கறித் தோட்டங்களாக மாறிய டாக்சிகள்!: அட்டகாச புகைப்படங்கள்

  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

படங்கள் வீடியோ கல்வி சினிமா ஜோ‌திட‌ம்