SUN குழுமத்திலிருந்து வெளிவரும் காலை நாளிதழ்

ஒடிசாவில் கிளை சிறையில் 70 கைதி, 5 சிறைத்துறை ஊழியர்களுக்கு கொரோனா தொற்று உறுதி..!!

2021-06-08@ 10:21:15

ராய்கடா: ஒடிசா மாநிலத்தில் உள்ள கிளை சிறை ஒன்றில் 70 கைதிகளுக்கும், 5 சிறைத்துறை பணியாளர்களுக்கும் கொரோனா தொற்று உறுதி செய்யப்பட்டிருப்பது பரபரப்பை ஏற்படுத்தியுள்ளது. இந்தியாவில் கொரோனா தொற்றின் 2 அலை தற்போது குறைய தொடங்கியிருக்கிறது. இந்தியாவில் 63 நாட்களுக்கு பிறகு 1 லட்சத்துக்கு கீழ் சென்ற கொரோனா பாதிப்பு சென்றுள்ளது. இந்நிலையில் சிறைகளில் கொரோனா தொற்றால் பாதிக்கப்படும் கைதிகளின் எண்ணிக்கை அதிகரித்து வருகிறது. ராய்கடா மாவட்டத்தில் உள்ள குரும்பூர் என்ற நகரத்தில் கிளை சிறைச்சாலை ஒன்று உள்ளது. சிறு குற்றங்களில் ஈடுபட்டு விசாரணை கைதிகள் 113 பேர் இந்த சிறையில் அடைக்கப்பட்டுள்ளனர். 


இவர்களில் சிலருக்கு உடல்நிலை பாதிக்கப்பட்டதை அடுத்து கைதிகள் மற்றும் சிறை ஊழியர்கள் அனைவருக்கும் கொரோனா மருத்துவ பரிசோதனை மேற்கொள்ளப்பட்டது. இதில் 70 கைதிகளுக்கும், 5 சிறைத்துறை ஊழியர்களுக்கும் தொற்று உறுதி செய்யப்பட்டுள்ளது. தொற்றுக்கு இலக்கான கைதிகள் அனைவரையும் தனிமைப்படுத்திய சிறை அதிகாரிகள் தொற்று இல்லாத 43 கைதிகளை வேறு பகுதிக்கு மாற்றியுள்ளனர். கொரோனாவால் பாதிக்கப்பட்ட 75 பேரும் மருத்துவக்குழுவின் கண்காணிப்பில் உள்ளனர். கொரோனா நோய் தொற்று ஏற்பட்டதைத் தொடர்ந்து சிறையில் கிருமிநாசினி மூலம் சுத்தப்படுத்தும் பணி நடைபெற்றது. மேலும் உடன் இருந்த கைதிகளுக்கும் கொரோனா பரிசோதனை நடத்த சிறை நிர்வாகம் திட்டமிட்டுள்ளது.

மேலும் செய்திகள்

Like Us on Facebook Dinkaran Daily News
  • karnataka-schools-25

    20 மாதங்களுக்கு பின் கர்நாடகத்தில் தொடக்க பள்ளிகள் திறப்பு!: ஆர்வமுடன் பள்ளி செல்லும் மழலைகள்..!!

  • wheel-uae-25

    250 மீ. உயரம்...1,750 பேர் பயணிக்கலாம்!: உலகிலேயே மிகப்பெரிய ராட்டினம் ஐக்கிய அரபு அமீரகத்தில் திறப்பு..!!

  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

படங்கள் வீடியோ கல்வி சினிமா ஜோ‌திட‌ம்