SUN குழுமத்திலிருந்து வெளிவரும் காலை நாளிதழ்

இ-பதிவு முறை அமலுக்கு வந்தது குமரியில் இருந்து கேரளா செல்வோர் அலைக்கழிப்பு: குறிப்பிட்ட மருத்துவமனை நெகட்டிவ் சான்றிதழ் கேட்கும் கேரள போலீசார்

2021-05-18@ 00:24:40

நாகர்கோவில்:  தமிழகத்தில் கொரோனா வைரஸ் பரவல் அதிகரிப்பு காரணமாக வெளி மாநிலங்கள், வெளிநாடுகளில் இருந்து வருவோரை கண்காணிக்கவும், மாவட்டம் விட்டு பிற மாவட்டம் செல்வோருக்கும் இ-பதிவு நடைமுறை கொண்டு வரப்படும் என்று தமிழக அரசு அறிவித்திருந்தது. இந்த நடைமுறை நேற்று முதல் அமலுக்கு வந்துள்ளது. இதனை தொடர்ந்து குமரி - கேரள எல்லை பகுதிகளான ஆரல்வாய்மொழி, களியக்காவிளை பகுதியில் கண்காணிப்பு பணிகள் தீவிரப்படுத்தப்பட்டுள்ளது. எல்லை பகுதியை கடந்து வருகின்ற வாகனங்களை போலீசார் ஆய்வு செய்து இ-பதிவு சான்றிதழை சரிபார்க்கிறனர். அதே வேளையில் குமரி மாவட்டத்தில் இருந்து கேரளாவிற்கு செல்லும் தமிழக வாகனங்களை இஞ்சிவிளை சோதனைசாவடியில் போலீசார் திருப்பி அனுப்புகின்றனர்.

பயணிகளிடம் கொரோனா நெகட்டிவ் சான்றிதழ் பெற்றிருக்க வேண்டும் என்றும் அவ்வாறு இல்லையெனில் களியக்காவிளை பகுதியில் உள்ள தனியார் மருத்துவமனை பெயரை கூறி அங்கு சென்று நெகட்டிவ் சான்றிதழ் பெற்று வாருங்கள் என்று கூறி வாகனங்களை திருப்பி அனுப்புவதாகவும் புகார் எழுந்துள்ளது. அங்கு நெகட்டிவ் சான்றிதழ் வழங்க ₹1000 வசூலிக்கப்படுவதாகவும் கூறப்படுகிறது. அதே வேளையில் அரசு மருத்துவமனையில் இருந்து பெறப்படுகின்ற நெகட்டிவ் சான்றிதழை போலீசார் ஏற்பதில்லை என்றும் கூறப்படுகிறது. இதனால் குமரி - கேரள எல்லை பகுதியில் கேரளா செல்ல விரும்பும் பயணிகள், வாகனங்கள் தடுக்கப்பட்டு அவர்கள் அலைக்கழிக்கப்படுகின்ற நிலையில் இது தொடர்பாக மாவட்ட நிர்வாகம் கேரள அதிகாரிகளிடம் பேசி க நடவடிக்கை எடுக்க வேண்டும் என கோரிக்கை எழுந்துள்ளது.

மேலும் செய்திகள்

Like Us on Facebook Dinkaran Daily News
  • sand-storm-china

    அடுத்தடுத்து தாக்கும் இயற்கை பேரிடர்களால் ஸ்தம்பிக்கும் சீனா!: 350 அடி உயரத்திற்கு வீசிய மணல் புயலால் மக்கள் அவதி..!!

  • plastic-vaste-girl

    கடலில் கொட்டி கிடக்கும் பிளாஸ்டிக் கழிவுகளை தந்தையின் உதவியுடன் அகற்றும் 4 வயது சிறுமி..!!

  • farmeee112

    "பக்கபலமாக மட்டுமல்ல, களத்திலும் நிற்போம்!" : டெல்லி போராட்டத்தில் பெண் விவசாயிகள்

  • arjennn11

    திடீரென அடர் பிங்க் நிறத்துக்கு மாறிய அர்ஜென்டினா ஏரி .. அதிர்ச்சியூட்டும் படங்கள்!!

  • russia-naval-26

    ரஷ்யாவின் 325வது கடற்படை தின கொண்டாட்டம்!: பார்வையாளர்களை கவர்ந்த போர் கப்பல்கள், நீர்மூழ்கி கப்பல்களின் கண்கவர் அணிவகுப்பு..!!

படங்கள் வீடியோ கல்வி சினிமா ஜோ‌திட‌ம்