SUN குழுமத்திலிருந்து வெளிவரும் காலை நாளிதழ்

இ.கம்யூ. பொதுச் செயலாளர் டி.ராஜா சகோதரர் சுவாச பிரச்னையால் மரணம்: முத்தரசன் இரங்கல்

2021-05-13@ 14:42:18

சென்னை:  இந்திய கம்யூனிஸ்ட் கட்சியின் அகில இந்திய  பொதுச் செயலாளர் டி.ராஜாவின் சகோதரர் மறைவுக்கு முத்தரசன் இரங்கல் தெரிவித்துள்ளார். இந்திய கம்யூனிஸ்ட் மாநில செயலாளர் முத்தரசன் வெளியிட்ட அறிக்கை: இந்திய கம்யூனிஸ்ட் கட்சியின் அகில இந்தியப் பொதுச் செயலாளர் டி.ராஜாவின் இளைய சகோதரரும், ஓய்வு பெற்ற கிராம நிர்வாக அலுவலருமான டி.கருணாகரன் (65) நேற்று காலமானார் என்பதை ஆழ்ந்த வருத்தத்துடன் தெரிவித்துக் கொள்கிறோம். .கருணாகரன் கிராம நிர்வாக அலுவலராக பல கிராமங்களில் பணிபுரிந்து, இறுதியாக திருவண்ணாமலை மாவட்டம் பேரணாம்பட்டு கிராமத்தில் பணியாற்றி ஓய்வு பெற்றார்.

பின்னர் குடும்பத்தோடு குடியாத்தத்தில் வசித்து வந்தார். இரண்டொரு நாட்களுக்கு  முன்னர் சுவாசப் பிரச்சனை காரணமாக மருத்துவமனையில் அனுமதிக்கப்பட்டார். மருத்துவ பரிசோதனை செய்ததில் இவருக்கு கொரோனா நோய்த்தொற்று பாதிப்பு இல்லை என உறுதி செய்யப்பட்டது. இருப்பினும் மூச்சுத்திணறல் பிரச்சனைக்கு மருத்துவர்கள் தீவிர சிகிச்சை மேற்கொண்டிருந்த நிலையில் நேற்றிரவு உயிரிழந்தார் என்பது வேதனையளிக்கிறது. அண்மையில் தான் மூத்த சகோதரரையும், சகோதரி ஒருவரையும் இழந்துள்ள டி.ராஜாவிற்கும், அவர்களது குடும்பத்திற்கும் மேலும் ஒரு இழப்பு என்பது ஆற்றுப்படுத்த முடியாத துயரமாகும்.

அன்னாரின் மறைவுக்கு இந்திய கம்யூனிஸ்ட் கட்சியின் தமிழ்நாடு மாநிலக்குழு ஆழ்ந்த அஞ்சலி தெரிவிப்பதுடன், டி.ராஜா உள்ளிட்ட சகோதர்களின் துயரில் பங்கேற்று, அனைவருக்கும் ஆறுதல் தெரிவித்துக் கொள்கிறது. இவ்வாறு அதில் கூறப்பட்டுள்ளது.

மேலும் செய்திகள்

Like Us on Facebook Dinkaran Daily News
  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

  • iceland-16

    ஐஸ்லாந்தில் இரவையே பகலாக மாற்றிய எரிமலை தீக்குழம்பு..!!

  • dolphins-15

    டென்மார்க்கின் ஃபாரோ தீவுகளில் ஒரேநாளில் கொன்று குவிக்கப்பட்ட 1,428 டால்பின்கள்!: செந்நிறமாக மாறிய கடற்கரை..!!

படங்கள் வீடியோ கல்வி சினிமா ஜோ‌திட‌ம்