SUN குழுமத்திலிருந்து வெளிவரும் காலை நாளிதழ்

Dinakaran Daily news

தேர்தல் தோல்விக்கு பொறுப்பேற்று அசாம் காங். தலைவர் ராஜினாமா

2021-05-03@ 20:23:59

கவுகாத்தி: அசாம் மாநில பேரவை தேர்தலில் காங்கிரஸ் கட்சி தோல்வியடைந்ததால், அக்கட்சியின் மாநில தலைவர் ரிபூன் போரா தனது பதவியை ராஜினாமா செய்தார். அசாமில் ஆளும் பாஜக கூட்டணி மீண்டும் ஆட்சியைக் கைப்பற்றியது. தேர்தல் நடைபெற்ற 5 மாநிலங்களில் அசாமில் மட்டுமே பாஜக தலைமையிலான ஆட்சி அமையவுள்ளது. அசாமில் மொத்தமுள்ள 126 தொகுதிகளில் பாஜக கூட்டணி 75 இடங்களிலும் (பாஜக 60, ஏஜிபி 9, யுபிபிஎல் 6), காங்கிரஸ் கூட்டணி 50 இடங்களிலும் (காங்கிரஸ் 29, ஏஐயுடிஎப் 16, பிபிஎப் 4, சிபிஐஎம் 1), மற்ற கட்சிகள் 1 இடத்தையும் கைப்பற்றி உளளன.

இந்நிலையில், அசாமில் காங்கிரஸ் கட்சி ஆட்சியை கைப்பற்றும் என்று எதிர்பாக்கப்பட்ட நிலையில், அக்கட்சியால் வெற்றி பெறமுடியவில்லை. அதையடுத்து, அக்கட்சியில் அசாம் காங்கிரஸ் தலைவர் ரிபூன் போரா, தேர்தல் தோல்விக்கு பொறுப்பேற்று தனது பதவியை ராஜினாமா செய்துள்ளார். இதுதொடர்பாக அவர் கட்சித்தலைவர் சோனியா காந்திக்கு எழுதியுள்ள ராஜினாமா கடிதத்தில், ‘அசாமில் காங்கிரஸ் கட்சி தோல்வியடைந்தற்கு பொறுப்பேற்று எனது ராஜினாமா செய்கிறேன். பாஜக மற்றும் ஆர்எஸ்எஸ் நடத்திய வகுப்புவாத அரசியலை எதிர்த்துப் போராட முடியவில்லை.

இந்திய தேசிய காங்கிரசின் சித்தாந்தத்தை மதிக்கும் அர்ப்பணிப்புள்ள காங்கிரஸ்காரன் என்ற முறையில், எனது அரசியல் ரீதியான போராட்டத்தைத் தொடருவேன் என்பதை உறுதியளிக்கிறேன்’ என்று அந்த ராஜினாமா கடிதத்தில் தெரிவித்துள்ளார்.

மேலும் செய்திகள்

Dinakaran Daily news
Like Us on Facebook Dinkaran Daily News
  • landslide-colombia

    கொலம்பியாவில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 33 அதிகரிப்பு..!

  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

படங்கள் வீடியோ கல்வி சினிமா ஜோ‌திட‌ம்