SUN குழுமத்திலிருந்து வெளிவரும் காலை நாளிதழ்

இந்தியாவிலேயே கொரோனா தடுப்பூசியை வீணடித்த முதல் மாநிலம் தமிழகம்.. 8.83 % வீண்.. மத்திய அரசு தகவல்

2021-04-28@ 09:25:20

டெல்லி : கொரோனா தடுப்பூசியை அதிகளவில் வீணாக்கி இருக்கும் மாநிலங்களின் பட்டியலில் தமிழ்நாடு முதலிடம் பிடித்துள்ளது அதிர்வலைகளை எழுப்பியுள்ளது. இந்தியாவில் தினசரி கொரோனா தொற்று தினம் தினம் புதிய உச்சத்தை அடைந்து வரும் நிலையில், மத்திய அரசு தடுப்பூசி செலுத்தும் பணிகளை தீவிரப்படுத்தி வருகிறது. கோவிஷீல்டு மற்றும் கோவாக்சின் தடுப்பூசி மருந்துகள் மாநிலங்களுக்கு தடையின்றி விநியோகிப்பட்டு வந்தாலும், பல்வேறு மாநிலங்கள் தடுப்பூசி மருந்துகளை குறிப்பிட்ட அளவு வீணடித்துள்ளதாக மத்திய சுகாதாரத்துறை அமைச்சகம் கவலை தெரிவித்துள்ளது.

இது தொடர்பாக வெளியிடப்பட்ட அறிக்கை ஒன்றில் தமிழ்நாட்டில் மட்டும் இதுவரை 8.83% தடுப்பூசி மருந்துகள் வீணடிக்கப்பட்டுள்ளதாக தெரிவிக்கப்பட்டுள்ளது. இதற்கு அடுத்த இடத்தில் உள்ள அசாம் மாநிலத்தில் 7.7% கொரோனா தடுப்பூசி மருந்து வீணாகி இருக்கிறது. மணிப்பூரில் 7.44%, ஹரியானாவில் 5.72%, பஞ்சாபில் 4.98% தடுப்பூசிகள் பயன்படுத்தப்படாமல் பாழாக்கப்பட்டு இருப்பதாக மத்திய அரசு குறிப்பிட்டுள்ளது. பீகார், ராஜஸ்தான், நாகலாந்து, மேகாலயா ஆகிய மாநிலங்களில் 4%த்திற்கும் மேல் தடுப்பூசி மருந்துகள் பயன்படுத்தப்படாமல் வீணடிக்கப்பட்டுள்ளது.

தலைநகர் டெல்லியிலும் 3.96% கொரோனா தடுப்பூசிகள் வீணடிக்கப்பட்டுள்ளதாக சுகாதாரத்துறை அமைச்சகம் தெரிவித்துள்ளது. அனைத்து மாநிலங்களிலும் சுமார் 1 கோடி கொரோனா தடுப்பூசிகள் இருப்பில் உள்ளதாகவும் சுகாதாரத்துறை அமைச்சகம் குறிப்பிட்டுள்ளது. உத்தரப் பிரதேசத்திலும் அதிகபட்சமாக 10 லட்சமும் மராட்டியத்தில் 9 லட்சமும் பீகாரில் 7.5 லட்சம் தடுப்பூசிகள் இருப்பில் உள்ளதாக அமைச்சகத்தின் அறிக்கையில் தெரிவிக்கப்பட்டுள்ளது. 

மேலும் செய்திகள்

Like Us on Facebook Dinkaran Daily News
  • jammu-flood-29

    ஜம்மு காஷ்மீர் மற்றும் இமாச்சலில் மேக வெடிப்பால் பெருவெள்ளம், நிலச்சரிவு!: 22 பேர் உயிரிழப்பு..பலர் மாயம்..!!

  • u.p.lorry-bus-acc

    உ.பி.யில் கோர விபத்து!: பேருந்து மீது லாரி மோதியதில் சாலையில் தூங்கிய 18 தொழிலாளர்கள் உடல் நசுங்கி பலி..!!

  • sand-storm-china

    அடுத்தடுத்து தாக்கும் இயற்கை பேரிடர்களால் ஸ்தம்பிக்கும் சீனா!: 350 அடி உயரத்திற்கு வீசிய மணல் புயலால் மக்கள் அவதி..!!

  • plastic-vaste-girl

    கடலில் கொட்டி கிடக்கும் பிளாஸ்டிக் கழிவுகளை தந்தையின் உதவியுடன் அகற்றும் 4 வயது சிறுமி..!!

  • farmeee112

    "பக்கபலமாக மட்டுமல்ல, களத்திலும் நிற்போம்!" : டெல்லி போராட்டத்தில் பெண் விவசாயிகள்

படங்கள் வீடியோ கல்வி சினிமா ஜோ‌திட‌ம்