சென்னை: தி.நகர் வெங்கட்ராமன் சாலையை சேர்ந்த ராம்குமார் (50), சோழவரத்தில் உள்ள தனியார் குடோனில் மேலாளராக பணியாற்றி வருகிறார். இங்கு பணியாற்றும் ஊழியர்களுக்கு சம்பளம் கொடுப்பதற்காக, ரூ.1.10 லட்சத்தை எடுத்துக்கொண்டு காரில் சென்றார். சோழவரம் பைபாஸ் சாலை அருகே ஒரு ஓட்டல் அருகில் காரை நிறுத்திவிட்டு டீ சாப்பிட சென்றார். திரும்பி வந்து பார்த்தபோது, கார் கண்ணாடி உடைக்கப்பட்டு, உள்ளே வைத்திருந்த பணம் திருடு போனது தெரிந்தது.