SUN குழுமத்திலிருந்து வெளிவரும் காலை நாளிதழ்

ஐபிஎல் போட்டிக்காக ‘India Ki Vibe Alag Hai’ என்கிற புதிய பாடல் ஒன்றை 8 மொழிகளில் உருவாக்கிய ஹாட்ஸ்டார் நிறுவனம் !

2021-04-08@ 14:51:56

டெல்லி: ஒவ்வொரு அணி ரசிகர்களும் எப்படிக் கொண்டாடுகிறார்கள், ஐபிஎல் போட்டி அதன் ரசிகர்களுக்கு எவ்வளவு முக்கியமானது. கொரோனா சூழல் காரணமாக கடந்த வருட ஐபிஎல் போட்டி, ஐக்கிய அரபு அமீரகத்தில் நடைபெற்றது. இந்த வருடப் போட்டி இந்தியாவிலேயே நடத்தப்படுகிறது. சென்னை, மும்பை, கொல்கத்தா, ஆமதாபாத், தில்லி, பெங்களூர் ஆகிய ஆறு நகரங்களில் ஐபிஎல் போட்டி நடைபெறவுள்ளது. கொரோனா தொற்று அச்சம் காரணமாக, தொடக்க நிலை ஆட்டங்களில் ரசிகா்களுக்கு அனுமதி கிடையாது.

நாளை (ஏப்ரல் 9) சென்னையில் நடைபெறவுள்ள முதல் ஆட்டத்தில் மும்பையும் பெங்களூரும் மோதுகின்றன. அடுத்த நாள், மும்பையில் சென்னையும் டெல்லியும் மோதுகின்றன. இந்தியா, ஐபிஎல் போட்டிக்குத் தயாராகி வரும் நிலையில் டிஸ்னி + ஹாட்ஸ்டார் விஐபி, ‘என்டர்டெயின்மென்ட் கா ஆல்-ரவுண்டர்’ என்கிற புதிய பிரசாரத்தைச் சில நாள்களுக்கு முன்பு அறிமுகப்படுத்தியது.

இந்நிலையில் ஐபிஎல் போட்டிக்காக ஹாட்ஸ்டார் நிறுவனம் ‘India Ki Vibe Alag Hai’ என்கிற புதிய பாடல் ஒன்றை எட்டு மொழிகளில் உருவாக்கியுள்ளது. ஐபிஎல் போட்டியை ஒவ்வொரு அணி ரசிகர்களும் எப்படிக் கொண்டாடுகிறார்கள், ஐபிஎல் போட்டி அதன் ரசிகர்களுக்கு எவ்வளவு முக்கியமானது என்பதை விளக்கும் விதமாகப் பாடலின் விடியோ உருவாக்கப்பட்டுள்ளது.

நியூகிளியா இசையமைத்துள்ளார். ஐபிஎல் அணிகளை முன்னிறுத்தும் எட்டு நகரங்களிலும் இப்பாடல் படமாக்கப்பட்டுள்ளது. ஏப்ரல் 9 அன்று தொடங்கும் ஐபிஎல் போட்டியின் அனைத்து நேரலை ஆட்டங்களும் புதிய மற்றும் பழைய டிஸ்னி + ஹாட்ஸ்டார்  (ரூ. 399 /12 மாதங்களுக்கு), டிஸ்னி + ஹாட்ஸ்டார் ப்ரீமியம்  (ரூ. 1499 /12 மாதங்களுக்கு) சந்தாதாரர்களுக்குக் கிடைக்கும். ஆங்கிலம், ஹிந்தி, தமிழ், தெலுங்கு, கன்னடம், வங்காளம், மலையாளம், மராத்தி என 8 மொழிகளில் கிரிக்கெட் வர்ணனை இடம்பெறும் என்று தெரிவிக்கப்பட்டுள்ளது.

மேலும் செய்திகள்

Like Us on Facebook Dinkaran Daily News
  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

  • maharastra-15

    தீவிரமடையும் கொரோனா பரவலால் மஹாராஷ்டிராவில் முழு ஊரடங்கு!: மூட்டை முடிச்சுகளுடன் வெளியேறிய புலம்பெயர் தொழிலாளர்களின் புகைப்படங்கள்..!!

  • 15-04-2021

    22-11-2018 இன்றைய சிறப்பு படங்கள்

  • 15-04-2021

    15-04-2021 இன்றைய சிறப்பு படங்கள்

  • singapore-door-robot

    சிங்கப்பூரில் புது முயற்சி!: நீங்க ஆர்டர் செய்தால் போதும் மளிகை பொருட்களை வீட்டிற்கு டோர் டெலிவரி செய்யும் ரோபோ அறிமுகம்..!!

படங்கள் வீடியோ கல்வி சினிமா ஜோ‌திட‌ம்