SUN குழுமத்திலிருந்து வெளிவரும் காலை நாளிதழ்

சீனாவை பின்னுக்கு தள்ளும் இந்திய பொருளாதாரம் 12.5% வளர்ச்சியை எட்டும்: சர்வதேச நிதியம் கணிப்பு

2021-04-08@ 01:01:37

வாஷிங்டன்: நடப்பாண்டில் இந்திய பொருளாதாரம் சீனாவை காட்டிலும் அதிகமாக 12.5 சதவீத வளர்ச்சியை எட்டும் என சர்வதேச நிதியம் கூறியுள்ளது. சர்வதேச நிதியம் மற்றும் உலக வங்கியின் வருடாந்திர மாநாடு விரைவில் நடக்க உள்ளது. இதையொட்டி, சர்வதேச நிதியம் தனது உலக பொருளாதார ஆண்டறிக்கையை வெளியிட்டுள்ளது. இதில், கொரோனா பாதிப்பு காரணமாக உலக பொருளாதாரம் கடந்த ஆண்டு 4.3 சதவீதமாக சுருங்கியதாக கூறப்பட்டுள்ளது. ஆனாலும், 2009ம் ஆண்டு ஏற்பட்ட நிதி நெருக்கடி காலகட்டத்தை காட்டிலும் இது இரண்டரை மடங்கு அதிகம் என கூறப்பட்டுள்ளது.

கடந்த 2020ல் கொரோனா பாதிப்பிலும் நேர்மறையான பொருளாதார வளர்ச்சி கண்ட ஒரே நாடு சீனா. அதன் பொருளாதார வளர்ச்சி 8.6 சதவீதமாக இருந்தது. ஆனால், நடப்பாண்டில் சீனாவை இந்தியா முந்தும் என சர்வதேச நிதியம் கூறி உள்ளது. இந்தியாவில் பொருளாதார வளர்ச்சி 12.5 சதவீதமாக இருக்கும் என கணித்துள்ளது. 2022ல் இந்திய பொருளாதார வளர்ச்சி 6.9 சதவீதமாக இருக்கும் என்றும் கூறி உள்ளது. இது குறித்து சர்வதேச நிதியத்தின் தலைமை பொருளாதார நிபுணர் கீதா கோபிநாத் கூறுகையில், ‘‘ஏற்கனவே கூறியதை விட 1 சதவீதம் அதிகமாக இந்திய பொருளாதாரம் நடப்பாண்டில் 12.5 சதவீதமாக வளர்ச்சி அடையும். ஏற்கனவே இந்திய பொருளாதாரம் வளர்ச்சியை நோக்கி பயணிக்கத் தொடங்கி விட்டது. அதன் பொருளாதார நடவடிக்கைகள் வழக்கத்திற்கு வந்து விட்டதற்கான சான்றுகளை காண முடிகிறது’’ என்றார்.

மேலும் செய்திகள்

Like Us on Facebook Dinkaran Daily News
  • 20-04-2021

    20-04-2021 இன்றைய சிறப்பு படங்கள்

  • spain-school-beach

    ஸ்பெயினில் வகுப்பறையாக மாறிய கடற்கரை!: தனிமனித இடைவெளியுடன் ஆர்வமுடன் கல்வி கற்கும் மாணவர்கள்..!!

  • 19-04-2021

    19-04-2021 இன்றைய சிறப்பு படங்கள்

  • 18-04-2021

    18-04-2021 இன்றைய சிறப்பு படங்கள்

  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

படங்கள் வீடியோ கல்வி சினிமா ஜோ‌திட‌ம்