SUN குழுமத்திலிருந்து வெளிவரும் காலை நாளிதழ்

2020-21ம் நிதி ஆண்டில் இந்தியப் பொருளாதாரத்தை மீட்டெடுக்க, அரசின் நடவடிக்கைகள் என்னென்ன? : திமுக எம்.பி. டி. ஆர். பாலு கேள்விக்கு மத்திய அரசு பதில் .

2021-03-09@ 11:33:04

டெல்லி : திராவிட முன்னேற்றக் கழகப் பொருளாளரும், கழக நாடாளுமன்றக் குழுத் தலைவருமான திரு. டி. ஆர். பாலு அவர்கள், நேற்று  (08 மார்ச் 2021), மக்களவையில், 2020-21ம் நிதி ஆண்டில் இந்திய பொருளாதாரத்தை மீட்டெடுக்க, மத்திய அரசின் நடவடிக்கைகள் என்னென்ன? என்று கேள்வி எழுப்பினார்.


மாண்புமிகு மத்திய நிதித் துறை இணையமைச்சர், திரு. அனுராக் சிங் தாகூர் அவர்களிடம், கொள்ளை நோய்த் தொற்று தாக்குதலினால் பாதிக்கப்பட்ட இந்திய பொருளாதார வளர்ச்சி குறியீடு, முதல் காலாண்டில், 23.9 விழுக்காடு வீழ்ச்சியும், இரண்டாம் காலாண்டில், 7.5 விழுக்காடு வீழ்ச்சியும், 2020-21 நிதியாண்டில்  7.7 விழுக்காடு வீழ்ச்சி அடையும் என்று கணிக்கப்பட்டுள்ள நிலையில், இந்தியப் பொருளாதாரத்தை மீட்டெடுக்க, மத்திய அரசு என்னென்ன நடவடிக்கைகளை எடுத்துள்ளது? என்று விரிவான கேள்வியை, மக்களவையில் திரு. டி. ஆர். பாலு, எழுப்பினார்.

மாண்புமிகு மத்திய நிதித் துறை இணையமைச்சர், அவர்கள் மக்களவையில் அளித்த பதில் பின் வருமாறு:-
தேசிய புள்ளியியல் அலுவலகத்தின், தேசிய வருமான மதிப்பீட்டின்படி 2020-21 ஆண்டின், பொருளாதார வளர்ச்சி குறியீடு, முதல் காலாண்டில், 24.4 விழுக்காடு வீழ்ச்சியும், இரண்டாம் காலாண்டில், 7.3 விழுக்காடு வீழ்ச்சியும், 2020-21 நிதியாண்டில்   8 விழுக்காடு வீழ்ச்சி அடைந்துள்ளது என்றும், கொள்ளை நோய்த் தொற்று தாக்கத்தினால் பாதிக்கப்பட்ட பொருளாதாரத்தை சீரமைக்க, இந்தியாவின் சுயச் சார்பு திட்டங்களின் மூலம், இந்திய ரிசர்வ் வங்கி, ரூபாய் 27 இலட்சம் கோடிகள் அளவிற்கு பொருளாதரத்தை முடுக்கிவிட, திட்டங்களை அறிவித்துள்ளது என்றும், பிரதம மந்திரி வேலை வாய்ப்புத் திட்டம், மகாத்மா காந்தி ஊரக வேலை வாய்ப்புத் திட்டம், சிறு குறு, மற்றும் நடுத்தர தொழில்களுக்கான நிதியுதவித் திட்டம், தொழிற்சாலைகளுக்கான நில வங்கித் திட்டம், மற்றும் புதிய மின்சாரக் கட்டணக் கொள்கைகள், இவற்றின் மூலம், இந்திய பொருளாதாரத்தை மீட்டெடுக்க, அனைத்து முயற்சிகளும் மேற்கொள்ளப்பட்டுள்ளது என்றும்,

சுகாதாரத் துறையில், கொள்ளை நோய்த் தொற்றினை தவிர்க்க, தடுப்பூசிக்காக ரூபாய் 35,000 கோடிகள் அளவிற்கும், தேசிய சுகாதாரத் திட்டம், சத்துணவுத் திட்டம், அனைவருக்குமான குடிநீர் திட்டம், ஆகியவற்றின் மூலம் கட்டமைப்புகள் உறுதியளிக்கப் பட்டுள்ளன, என்றும்,13 துறைகளில் உற்பத்தி ஊக்குவிப்புத் திட்டங்களும், 7400 தேசிய கட்டமைப்பு திட்டங்களும், ஒரு கோடி மக்களுக்கு பயனளிக்கும் வகையில், மின்சார வசதிகளும், காப்பீட்டுத் துறையில், அந்நிய நேரடி முதலீட்டை அதிகரிக்கவும், தேசிய கம்பெனி சட்ட தீர்ப்பாயங்களை வலுப்படுத்தவும், கூட்டுறவுத் துறைகளை மேம்படுத்தவும், தேவையான முயற்சிகள் மேற்கொள்ளப்பட்டு வருவதாக, மாண்புமிகு மத்திய நிதித் துறை இணையமைச்சர் திரு. அனுராக் சிங் தாகூர், தனது விரிவான பதிலில் குறிப்பிட்டுள்ளார்.

மேலும், மாண்புமிகு மத்திய நிதித் துறை இணையமைச்சர் தனது விரிவான பதிலில் கூறியதாவது:-
விளைபொருள்களின் உற்பத்தி விலையில், ஒன்றரை மடங்கு லாபம் கிடைக்கும் வகையில், குறைந்த பட்ச ஆதார விலை நிர்ணயக்கப்பட்டுள்ளது என்றும், மீன்பிடி துறைமுகங்களை நவீனப்படுத்த தேவையான முதலீடுகளை அதிகரிக்கவும், சிறு குறு மற்றும் நடுத்தரத் தொழிற்துறையின் வளர்ச்சிக்கு, ரூபாய் 15,700 கோடிகள் அளவிற்கும், மத்திய அரசு உதவிகள் செய்துள்ளது, என்றும்,தேசியக் கல்விக் கொள்கையின்படி 15,000 பள்ளிக் கூடங்களை தரம் மேம்படுத்தவும், இந்திய உயர்கல்வி ஆணையம், இராணுவத்திற்கான 100 பள்ளிகள், 750 ஏகலைவன் மாதிரி பள்ளிகள், பட்டியலினத்தவர்களுக்கான கல்வி உதவித் திட்டம், ஆகிய திட்டங்களை, மத்திய அரசு நிறைவேற்றி வருகிறது என்றும்,தேசிய ஆராய்ச்சி திட்டத்திற்காக, ரூபாய் 50,000 கோடிகள் நிதி உதவியும், ககன்யான் திட்டம், ஆழ் கடல் ஆராய்ச்சித் திட்டம், கணினி வழி மக்கள் தொகைக் கணக்கெடுப்பிற்கு ரூபாய் 3,708 கோடிகள் ஒதுக்கீடு, தேயிலை தொழிலாளர்களின் நலத்திற்காக ரூபாய் 1,000 கோடிகள் என பல்வேறு திட்டங்களின் மூலம், பொருளாதாரத்தை மீட்டெடுக்க, அனைத்து முயற்சிகளையும் மேற்கொண்டு வருவதாக, மாண்புமிகு மத்திய நிதித் துறை இணையமைச்சர் திரு. அனுராக் சிங் தாகூர் அவர்கள், மக்களவையில், திருப்பெரும்புதுலீர் நாடாளுமன்ற உறுப்பினர், திரு. டி. ஆர். பாலு, அவர்களுக்கு, விரிவான பதிலை அளித்துள்ளார்.

மேலும் செய்திகள்

Like Us on Facebook Dinkaran Daily News
  • 09-05-2021

    09-05-2021 இன்றைய சிறப்பு படங்கள்

  • 07-05-2021

    07-05-2021 இன்றைய சிறப்பு படங்கள்

  • 04-05-2021

    04-05-2021 இன்றைய சிறப்பு படங்கள்

  • 03-05-2021

    03-05-2021 இன்றைய சிறப்பு படங்கள்

  • 02-05-2021

    02-05-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்