SUN குழுமத்திலிருந்து வெளிவரும் காலை நாளிதழ்

நெருங்கி வரும் சட்டமன்ற தேர்தல்!: கூட்டம் கூட்டமாக அமரவைத்து நேர்காணல் நடத்துகிறது அதிமுக..!!

2021-03-04@ 11:43:49

சென்னை: சட்டமன்ற தேர்தலை முன்னிட்டு அதிமுக-வில்  கூட்டம் கூட்டமாக அமரவைத்து நேர்காணல் நடத்தப்படுகிறது. சட்டமன்ற தேர்தலில் அதிமுக சார்ப்பில் போட்டியிட விருப்பமனு அளித்த நபர்களிடம் அக்கட்சியின் தலைமை நேர்காணல் நடத்தி வருகிறது. ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி மற்றும் துணை ஒருங்கிணைப்பாளர்கள் என 9 பேர் முன்னிலையில் நேர்காணல் நடைபெற்று வருகிறது. சரியாக காலை 9 மணிக்கு தொடங்கிய நேர்காணலில் முதற்கட்டமாக கன்னியாகுமரி, தூத்துக்குடி, திருநெல்வேலி, தென்காசி, ராமநாதபுரம் மாவட்டத்திற்கு உட்பட்ட தொகுதிகளுக்கு விருப்பமனு அளித்தவர்கள் பங்கேற்றுள்ளனர்.

விருப்பமனு அளித்த 8,240 பேரிடம் ஒரேநாளில் நேர்காணல் நடத்த திட்டமிட்டிருப்பதால் தனித்தனியாக நேர்காணல் நடத்தாமல் ஒவ்வொரு தொகுதியிலும் விருப்பமனு தாக்கல் செய்தவர்களை கூட்டம் கூட்டமாக அமரவைத்து நேர்காணல் நடத்துகின்றனர். இன்று மாலைக்குள் அனைத்து தொகுதிகளுக்கும் வேட்பாளர் நேர்காணல் நடத்தி முடிக்கப்படுகிறது. வேட்புமனு தாக்கல் தேதி நெருங்கி வருவதால் அடுத்த ஓரிரு நாட்களில் அதிமுக வேட்பாளர் பட்டியலை வெளியிட அதிமுக தலைமை திட்டமிட்டுள்ளதாக கூறப்படுகிறது.

மேலும் செய்திகள்

Like Us on Facebook Dinkaran Daily News
  • 23-04-2021

    23-04-2021 இன்றைய சிறப்பு படங்கள்

  • oxygen-22

    ஆக்சிஜன் வாயு கசிந்து விபத்து: நாசிக் மருத்துவமனையில் மூச்சுத்திணறி 24 நோயாளிகள் பரிதாப மரணம்..!!

  • oxyyge11

    ஆக்சிஜன் சிலிண்டர் நிரப்பும் மையங்களுக்கு படையெடுக்கும் மக்கள்; இரவு, பகலாக நீண்ட வரிசையில் காத்திருப்பு; இந்தியாவில் அவலநிலை!!

  • koronaasadaaa1

    குவியல் குவியலாக கொரோனா சடலங்கள் எரிப்பு.. ஆம்புலன்சில் காத்து கிடைக்கும் நோயாளிகள்.. கண்ணீர் ததும்ப வைக்கும் படங்கள்!!

  • black-girl22

    அமெரிக்காவில் போலீசாரின் துப்பாக்கிச் சூட்டில் கருப்பின சிறுமி பலி!: வெடித்தது பெரும் போராட்டம்..!!

படங்கள் வீடியோ கல்வி சினிமா ஜோ‌திட‌ம்