SUN குழுமத்திலிருந்து வெளிவரும் காலை நாளிதழ்

சத்தியமங்கலம் பவானி ஆற்றங்கரையில் கொலை செய்யப்பட்ட வாலிபர் அடையாளம் தெரிந்தது

2021-02-23@ 18:54:05

சத்தியமங்கலம்: சத்தியமங்கலம் பவானி ஆற்றங்கரையில் உள்ள வரசித்தி விநாயகர் கோயில் முன்பு கடந்த 21ம் தேதி காலை 20 வயது மதிக்கத்தக்க ஆண் ஒருவர் தலையில் ரத்த காயங்களுடன் கொலை செய்யப்பட்டு கிடந்தார். சத்தியமங்கலம் போலீசார் வழக்குப்பதிவு செய்து கொலை செய்யப்பட்டவர் யார், கொலையாளி யார் என்பது குறித்து விசாரணை நடத்தி வந்தனர்.

இந்நிலையில் கொலை செய்யப்பட்டவரின் அடையாளம் தெரியவந்துள்ளது. கொலை செய்யப்பட்டவர் சத்தியமங்கலம் கோட்டுவீராம்பாளையம் பகுதியை சேர்ந்த தஸ்தகீர் மகன் அப்துல்ரஜாக் (20) என்பதும், இவர் கடந்த 5 ஆண்டுகளுக்கு முன்பு வீட்டை விட்டு வெளியேறி மகாராஷ்டிரா மற்றும் கர்நாடக மாநிலங்களில் ஓட்டல் தொழிலாளியாக வேலை செய்து வந்த நிலையில் கடந்த 20 நாட்களுக்கு முன்பு சத்தியமங்கலம் வந்து தனது குடும்பத்தினரை பார்த்துவிட்டு சென்றுள்ளார். இந்நிலையில் கடந்த 20ம் தேதி இரவு கர்நாடக மாநிலம் பெங்களூரில் இருந்து பஸ்சில் வந்த அப்துல்ரஜாக் சத்தியமங்கலம் பவானி ஆற்றங்கரையில் வரசித்தி விநாயகர் கோயில் முன்பு மர்ம நபர்களால் தலையில் கல்லால் அடித்து கொலை செய்யப்பட்டு கிடந்துள்ளார். இவரது உடலை உறவினர்கள் மருத்துவமனையில் பார்த்து அடையாளம் சொன்னதை தொடர்ந்து தற்போது போலீசார் அப்துல் ரஜாக்கை கொலை செய்தது யார், முன்விரோதம் காரணமாக கொலை நடந்ததா? என்பது குறித்து தீவிர விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • military-helicopter5

    துருக்கியில் ராணுவ ஹெலிகாப்டர் தரையிறங்க முயன்ற போது கீழே விழுந்து வெடித்து சிதறியதில் 11 பேர் பலி..!!

  • 05-03-2021

    05-03-2021 இன்றைய சிறப்பு படங்கள்

  • 100farmmmm

    100 நாட்களை எட்டிய டெல்லி விவசாயிகள் போராட்டம்.. 200 பேர் பலி.. மத்திய அரசு கோரிக்கைகளுக்கு பணியுமா ?

  • train4

    கலிபோர்னியாவில் சரக்கு ரயில் தடம் புரண்டு விபத்து!: சீட்டுக்கட்டு போல் சரிந்து கிடக்கும் 35 பெட்டிகள்..!!

  • mars-4

    செவ்வாய்க்கு மனிதனை அனுப்பும் திட்டத்திற்கு பின்னடைவு!: தரையிறங்கிய சில நொடிகளில் சுக்குநூறாக வெடித்து சிதறியது "ஸ்டார் ஷிப்" ராக்கெட்..!!

படங்கள் வீடியோ கல்வி சினிமா ஜோ‌திட‌ம்