SUN குழுமத்திலிருந்து வெளிவரும் காலை நாளிதழ்

குஜராத் உள்ளாட்சித் தேர்தல்: அனைத்து மாநகராட்சிகளிலும் பாஜக முன்னிலை.. தொண்டர்கள் கொண்டாட்டம்!!

2021-02-23@ 14:35:05

அகமதாபாத்: குஜராத் மாநிலத்தில் 6 மாநகராட்சிகளுக்கான தேர்தலில் ஆளும் பாஜக பெரும்பாலான வார்டுகளில் முன்னிலை வகித்து வருகிறது.குஜராத் மாநிலத்தில், அகமதாபாத், வதோதரா, சூரத், ராஜ்கோட், ஜாம்நகர் மற்றும் பாவ் நகர் மாநகராட்சி தேர்தல் நேற்று முன்தினம் நடைபெற்றது. கடந்த பல ஆண்டுகளாக இந்த மாநகராட்சிகள் பாஜவிடம் இருந்து வருகிறது. 6 மாநகராட்சிகளிலும் மொத்தம் 2,276 வேட்பாளர்கள் போட்டியிட்டுள்ளனர். இது தவிர ஜூனாகத் மாநகராட்சியில் நடக்கும் 2 இடங்களுக்காக நடக்கும் இடைத்தேர்தலில் 9 பேர் போட்டியிடுகின்றனர்.

இந்தநிலையில் 6 மாநகராட்சிகளுக்கு நடைபெற்ற உள்ளாட்சித் தேர்தலில் பதிவான வாக்குகள் இன்று காலை முதல் எண்ணப்பட்டு வருகிறது. தொடக்கம் முதலே பாஜக பல வார்டுகளில் முன்னிலை பெற்றுள்ளது. மொத்தமுள்ள 576 வார்டுகளில் ஆளும் பாஜக 263 வார்டுகளில் முன்னிலை பெற்றுள்ளது. எதிர்க்கட்சியான காங்கிரஸ் 56 வார்டுகளில் மட்டுமே முன்னிலை வகிக்கிறது. இதர கட்சிகள் 19 இடங்களில் முன்னிலை பெற்றுள்ளன. அம்மாநிலத்தின் மிகப்பெரிய மாநகராட்சியான அகமதாபாத் மாநகராட்சியில் மொத்தமுள்ள 192 இடங்களில் 82 வார்டுகளில் பாஜக முன்னிலை பெற்றுள்ளது. காங்கிரஸ் 16 இடங்களில் மட்டுமே முன்னிலை வகிக்கிறது.

அதே போல ராஜ்கோட் மாநகராட்சியில் மொத்தமுள்ள 72 இடங்களில் 56 வார்டுகளில் பாஜக வெற்றி பெற்றுள்ளது. மேலும் 12 இடங்களில் பாஜக முன்னிலை வகிக்கிறது. காங்கிரஸ் 2 இடங்களில் மட்டுமே முன்னிலை வகிக்கிறது. சூரத் மாநகராட்சியில் மொத்தமுள்ள 120 இடங்களில் 51 வார்டுகளில் பாஜக வெற்றி பெற்றுள்ளது. வதோதரா மாநகராட்சியில் மொத்தமுள்ள 76 இடங்களில் 33 வார்டுகளில் பாஜக வெற்றி பெற்றுள்ளது. ஜாம்நகரில் 40 வார்டுகளில் பாஜக வெற்றி பெற்றுள்ளது. பாவ் நகர் மாநகராட்சியிலும் பாஜகவே முன்னிலை பெற்றுள்ளது.

மேலும் செய்திகள்

Like Us on Facebook Dinkaran Daily News
  • military-helicopter5

    துருக்கியில் ராணுவ ஹெலிகாப்டர் தரையிறங்க முயன்ற போது கீழே விழுந்து வெடித்து சிதறியதில் 11 பேர் பலி..!!

  • 05-03-2021

    05-03-2021 இன்றைய சிறப்பு படங்கள்

  • 100farmmmm

    100 நாட்களை எட்டிய டெல்லி விவசாயிகள் போராட்டம்.. 200 பேர் பலி.. மத்திய அரசு கோரிக்கைகளுக்கு பணியுமா ?

  • train4

    கலிபோர்னியாவில் சரக்கு ரயில் தடம் புரண்டு விபத்து!: சீட்டுக்கட்டு போல் சரிந்து கிடக்கும் 35 பெட்டிகள்..!!

  • mars-4

    செவ்வாய்க்கு மனிதனை அனுப்பும் திட்டத்திற்கு பின்னடைவு!: தரையிறங்கிய சில நொடிகளில் சுக்குநூறாக வெடித்து சிதறியது "ஸ்டார் ஷிப்" ராக்கெட்..!!

படங்கள் வீடியோ கல்வி சினிமா ஜோ‌திட‌ம்