SUN குழுமத்திலிருந்து வெளிவரும் காலை நாளிதழ்

மதுபோதையில் மோசமான வகையில் நடந்து கொள்ளும் நடிகர் விஷ்ணு விஷால் மீது நடவடிக்கை எடுக்க வேண்டும்: பாதிக்கப்பட்டவர் கமிஷனர் அலுவலகத்தில் புகார்

2021-01-24@ 03:38:55

சென்னை: சென்னை, கோட்டூர், நாயுடு தெருவை சேர்ந்த ரங்கபாபு. இவர் நேற்று வேப்பேரி கமிஷனர் அலுவலகத்தில் அளித்த புகார் மனுவில் கூறியிருப்பதாவது: நான் மேற்கண்ட முகவரியில் கடந்த மூன்று வருடமாக வசித்து வருகிறேன். இங்கு கடந்த நான்கு மாதங்களுக்கு முன்பு இரண்டாம் தளத்தில் நடிகர் விஷ்ணு விஷால் குடிவந்தார். அவர் அங்கு வந்த நாளிலிருந்து தினமும் இரவில் குடித்து விட்டு மிகவும் மோசமான வகையில் நடந்து கொள்கிறார். தினமும் இரவில் குடித்துவிட்டு பல ஆண் நண்பர்களுடனும், பெண்களுடனும் வீட்டுக்கு வருவதும், அதிக அளவில் ஒலி எழுப்பும் வகையில் பாடல்கள் போட்டு கேட்பதை வழக்கமாக கொண்டுள்ளார்.நேற்று முன்தினம் இரவும் அதேபோல அவர் நடந்துகொள்ள இரவு 10.30 மணியளவில் பல ஆண் மற்றும் பெண் நண்பர்களுடன் அங்கு வந்து குடித்துவிட்டு இரவு 1.30 மணியளவில் அதிக சவுண்ட் வைத்து தொந்தரவு செய்து கொண்டிருந்தார்.

நான் மற்றும் அடுக்குமாடி குடியிருப்பில் இருப்பவர் அவசர எண்ணிற்கு போன் செய்து காவலர்களை அழைத்தோம். ஆனால் அவர் அவர்களையே மிகவும் தரக்குறைவாக மோசமான வார்த்தைகளால் திட்டி, எங்களையும் நண்பர்களை வைத்து  அடிக்க வந்தார். மேலும் அவர், எனது அப்பா ஓய்வு பெற்ற போலீஸ் அதிகாரி, என்னிடம் வைத்துக் கொண்டால் உங்களை விடிவதற்குள் முடித்து விடுவேன். நீ எந்த காவல் நிலையம் சென்று புகார் செய்தாலும் என்னை ஒன்றும் செய்ய முடியாது என்று கூறி தகாத வார்த்தையால் பேசி சண்டையில் ஈடுபட்டார். இதனால் இந்த குடியிருப்பில் வசிக்கும் அனைவரும் சிரமத்திற்கும், மனஉளைச்சலுக்கும் ஆளாகியிருக்கிறோம். இதேபோன்று கடந்த 4 மாதங்களாக எங்களுக்கு துன்பத்தை ஏற்படுத்தி வருகிறார். எனவே அவர் மீது நடவடிக்கை எடுக்க வேண்டும். இவ்வாறு புகார் மனுவில் கூறப்பட்டிருந்தது.

மேலும் செய்திகள்

Like Us on Facebook Dinkaran Daily News
  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

  • iceland-16

    ஐஸ்லாந்தில் இரவையே பகலாக மாற்றிய எரிமலை தீக்குழம்பு..!!

  • dolphins-15

    டென்மார்க்கின் ஃபாரோ தீவுகளில் ஒரேநாளில் கொன்று குவிக்கப்பட்ட 1,428 டால்பின்கள்!: செந்நிறமாக மாறிய கடற்கரை..!!

படங்கள் வீடியோ கல்வி சினிமா ஜோ‌திட‌ம்