SUN குழுமத்திலிருந்து வெளிவரும் காலை நாளிதழ்

வேளாண் சட்டங்களுக்கு எதிராக விவசாயிகளைத் தூண்டிவிட்டு போராட வைக்கின்றனர்: அமித்ஷா குற்றச்சாட்டு..!

2021-01-17@ 19:03:51

டெல்லி: நாடு முழுவதும் உள்ள விவசாயிகளின் வருமானத்தை இரட்டிப்பாக்குவதே மத்திய அரசின் இலக்கு என்று உள்துறை அமைச்சர் அமித்ஷா தெரிவித்துள்ளார். கர்நாடகா மாநிலத்தில் 2 நாள் சுற்றுப்பயணம் மேற்கொண்டுள்ள அமித் ஷா, இன்று அங்கு பல்வேறு வேளாண் திட்டங்களுக்கான அடிக்கல்நாட்டு விழாவில் கலந்துகொண்டார்.  பின்னர் பேசிய அமித்ஷா கூறியதாவது: நான் சோனியா - மன்மோகன் அரசாங்கத்திடம் கேட்க விரும்புகிறேன், அவர்களது 10 ஆண்டு ஆட்சியில் நீங்கள் கர்நாடகாவுக்கு என்ன கொடுத்தீர்கள்? 13 வது நிதி ஆணையத்தின் கீழ் மாநிலத்திற்கு எவ்வளவு பணம் வழங்கப்பட்டது? என்று கேள்வி எழுப்பினார்.

இதனையடுத்து, அவர் கூறியதாவது: காங்கிரஸ் ஆட்சியில் 14 வது நிதி ஆணையத்தின் கீழ்  ரூ. 88,583 கோடி மட்டுமே வழங்கப்பட்டது. ஆனால், பாஜக ஆட்சியில் ரூ .2,19,506 கோடி வழங்கி உள்ளது.

முன்னதாக, நாங்கள் சீனாவிலிருந்து பொம்மைகளை வாங்குவோம், ஆனால் இப்போது நாட்டின் முதல் பொம்மை உற்பத்தி கொத்து கொப்பலில் கட்டப்பட்டு வருகிறது. இந்தியா முழுவதும் குழந்தைகள் கொப்பல் பொம்மைகளுடன் விளையாடுவார்கள் என்பதில் நீங்கள் அனைவரும் பெருமைப்பட வேண்டும். மேலும்,  நாங்கள் சீனாவிலிருந்து வாங்க வேண்டியதில்லை என்று தெரிவித்தார்.

விவசாயிகளின் வருமானத்தை இரட்டிப்பாக்குவதையே முன்னுரிமையாக அரசு கொண்டுள்ளது.
மத்திய அரசு கொண்டுவந்துள்ள மூன்று வேளாண் சட்டங்கள் விவசாயிகளின் வருமானத்தைப் பலமடங்கு உயர்த்த உதவும். இதன் மூலம் விவசாயிகள் தங்களின் விலை பொருட்களை உலகின் எந்தப் பகுதியில் வேண்டுமானால் விற்கலாம். ஆனால், காங்கிரஸ் கட்சியினர் இவற்றையெல்லாம் கருத்தில் கொள்ளாமல், தேவையில்லாமல் விவசாயிகளைத் தூண்டிவிட்டு போராட வைக்கின்றனர் என அவர் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • 07-03-2021

    07-03-2021 இன்றைய சிறப்பு படங்கள்

  • 07-03-2021

    22-11-2018 இன்றைய சிறப்பு படங்கள்

  • 06-03-2021

    06-03-2021 இன்றைய சிறப்பு படங்கள்

  • military-helicopter5

    துருக்கியில் ராணுவ ஹெலிகாப்டர் தரையிறங்க முயன்ற போது கீழே விழுந்து வெடித்து சிதறியதில் 11 பேர் பலி..!!

  • 05-03-2021

    05-03-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்