அவனியாபுரம்: அவனியாபுரம் ஜல்லிக்கட்டில் தனியார் வங்கி ஊழியர் அதிகபட்சமாக 5 காளைகளை அடக்கியுள்ளார். மதுரை முத்துப்பட்டியை சேர்ந்த திருநாவுக்கரசு இதுவரை 5 களைகளை அடக்கினார். ஏற்கனவே கடந்த 2019-ம் ஆண்டு ஜல்லிக்கட்டில் 9 காளைகளை அடக்கியுள்ளார். அவனியாபுரம் ஜல்லிக்கட்டு போட்டியில் காளைகள் முட்டியதில் மாட்டின் உரிமையாளர்கள், மாடுபிடி வீரர்கள், பார்வையாளர்கள் என இதுவரை 12 பேர் காயம் அடைந்துள்ளனர்.

ஜல்லிக்கட்டு போட்டியில் 3-வது சுற்று நடைபெற்று வரும் நிலையில் இதுவரையில் 12 பேர் காயமடைந்துள்ளனர். முதல் சுற்று முடிவில் 68 காளைகள் வாடிவாசலில் சீறிபாய்ந்துள்ளன. இரண்டாம் சுற்றின் முடிவில் 120 காளைகள் களம் கண்டன. தற்போது 3-வது சுற்றில் மாடுபிடி வீரர்கள் காளையை அடக்கி வருகின்றனர்.