சென்னை: காஞ்சிபுரம் அருகே கணவருக்கு ஆம்லெட் போடுவதற்காக, மனைவி உடைத்த நாட்டு கோழி முட்டையில், பாம்பு குட்டி இருந்தது. இச்சம்பவம் அப்பகுதியில் பெரும் பரபரப்பை ஏற்படுத்தியது. காஞ்சிபுரம் அடுத்த செவிலிமேடு பகுதியை சேர்ந்தவர் மேகநாதன். ஆட்டோ டிரைவர். நேற்று மதியம் மேகநாதன், சாப்பிடுவதற்காக வீட்டுக்கு சென்றார். அப்போது, அவரது மனைவி, மேகநாதனுக்காக வீட்டில் இருந்த நாட்டு கோழி முட்டையை ஆம்லெட் போடுவதற்காக உடைத்தார். அதில், புழுபோல் இருப்பதை கண்டு அதிர்ச்சியடைந்தார். உடனே, அக்கம்பக்கத்தினரிடம் அதை காண்பித்தபோது, அது பாம்பு குட்டி என தெரிந்தது. ஆம்லெட் போட உடைத்த நாட்டு கோழி முட்டையில் பாம்பு குட்டி இருந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.