SUN குழுமத்திலிருந்து வெளிவரும் காலை நாளிதழ்

பொள்ளாச்சி கூட்டு பாலியல் வன்கொடுமை வழக்கில் கைதான ஹேரன்பாலுக்கு 2 நாள் சிபிஐ காவல்! : கோவை மகளிர் நீதிமன்றம்..!!

2021-01-11@ 12:27:31

கோவை: பொள்ளாச்சி கூட்டு பாலியல் வன்கொடுமை வழக்கில் கைதான 3 பேரில் ஹேரன்பாலுக்கு 2 நாள் சிபிஐ காவல் விதித்து கோவை மகளிர் நீதிமன்றம் உத்தரவிட்டுள்ளது. கோவை மாவட்டம் பொள்ளாச்சியில் கல்லூரி மாணவிகள் மற்றும் இளம் பெண்களை மிரட்டி பாலியல் வன்கொடுமை செய்த சம்பவத்தில் தொடர்புடைய சபரிராஜன், சதீஷ், திருநாவுக்கரசு, வசந்தகுமார், மணிவண்ணன் ஆகிய  5 பேரை போலீசார் கைது செய்தனர். இதையடுத்து இந்த வழக்கு சிபிசிஐடி-க்கு மாற்றப்பட்டது. பின்னர் இந்த வழக்கு சிபிஐ-க்கு மாற்றப்பட்டு விசாரணை நடத்தப்பட்டு வருகிறது.

இவர்கள் அனைவரும் சேலம் சிறையில் அடைக்கப்பட்டிருந்த நிலையில், கடந்த 5ம் தேதி பொள்ளாச்சி கூட்டு பாலியல் வன்கொடுமை வழக்கில் தொடர்புடைய மேலும் 3 பேரை சிபிஐ அதிகாரிகள் அதிரடியாக கைது செய்தனர். பொள்ளாச்சியை சேர்ந்த அருளானந்தம், ஹேரன்பால், பாபு என்கின்ற மைக் பாபு ஆகிய மூவரை கைது செய்திருந்தது. இவர்கள் தற்போது நீதிமன்ற காவலில் கோவை சிறையில் அடைக்கப்பட்டுள்ளனர். இம்மூவரின் ஹேரன்பாலை மட்டும் காவலில் எடுத்து விசாரிக்க அனுமதிக்கக்கோரி சிபிஐ சார்பில் கோவை மகிளா நீதிமன்றத்தில் மனுதாக்கல் செய்யப்பட்டிருந்தது.

மொத்தம் 5 நாட்கள் காவல் எடுத்து விசாரிக்க அனுமதி கோரப்பட்டிருந்த நிலையில் தற்போது 2 நாட்கள் அனுமதி அளித்து கோவை மகளிர் நீதிமன்றம் உத்தரவிட்டுள்ளது. பொள்ளாச்சி கூட்டு பாலியல் வன்கொடுமை வழக்கை பொறுத்தவரையில் கைது செய்யப்பட்ட அருளானந்தம், மைக் பாபு ஆகியோர் விசாரணைக்கு ஒத்துழைத்துள்ளதாகவும், ஹேரன்பாலை மட்டும் விசாரிக்க வேண்டியுள்ளதால் அவரை மட்டும் காவலில் எடுத்து விசாரிக்க அனுமதி கோரி சிபிஐ சார்பில் மனுத்தாக்கல் செய்யப்பட்டிருந்தது.

மேலும் செய்திகள்

Like Us on Facebook Dinkaran Daily News
  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

  • iceland-16

    ஐஸ்லாந்தில் இரவையே பகலாக மாற்றிய எரிமலை தீக்குழம்பு..!!

  • dolphins-15

    டென்மார்க்கின் ஃபாரோ தீவுகளில் ஒரேநாளில் கொன்று குவிக்கப்பட்ட 1,428 டால்பின்கள்!: செந்நிறமாக மாறிய கடற்கரை..!!

  • anna-15

    பேரறிஞர் அண்ணாவின் 113வது பிறந்தநாள்!: முதல்வர் மு.க.ஸ்டாலின், வைகோ உள்ளிட்ட அரசியல் கட்சி தலைவர் மலர்தூவி மரியாதை..!!

  • gujarat-14

    கொட்டி தீர்த்த கனமழையால் ஸ்தம்பிக்கும் குஜராத், ஒடிசா மாநிலங்கள்!: சாலைகள், தெருக்களை ஆக்கிரமித்த வெள்ளம்..!!

படங்கள் வீடியோ கல்வி சினிமா ஜோ‌திட‌ம்