SUN குழுமத்திலிருந்து வெளிவரும் காலை நாளிதழ்

சட்டமன்ற தேர்தல் பிரச்சாரம் குறித்து டிசம்பர் 20ம் தேதி மு.க.ஸ்டாலின் ஆலோசனை..!! பொதுச் செயலாளர் துரைமுருகன் அறிவிப்பு

2020-12-12@ 13:36:44

சென்னை: சட்டமன்ற  தேர்தல் பிரச்சாரம் குறித்து டிசம்பர் 20ம் தேதி மு.க.ஸ்டாலின் ஆலோசனை மேற்கொள்கிறார். மாவட்ட, மாநகர செயலாளர்கள் ஒன்றிய, நகர, பகுதி, பேரூர் செயலாளர்களுடன் 20ம் தேதி ஸ்டாலின் ஆலோசனை மேற்கொள்கிறார். அண்ணா அறிவாலயத்தில் 20ம் தேதி காலை 10 மணிக்கு கூட்டம் நடைபெறும் என திமுக பொதுச் செயலாளர் துரைமுருகன் அறிவித்துள்ளார்.  தமிழகத்தில் சட்டமன்றத் தேர்தல் நெருங்கிக் கொண்டே வருகிறது. தேசியக் காட்சிகளாகவே இருப்பினும் அதிமுக மற்றும் திமுகவுடன் கூட்டணி அமைக்கக் கூடிய சூழல் தான் தமிழகத்தில் நிலவுகிறது.

அந்த அளவிற்கு திராவிட கட்சிகள் தனிப்பெரும் பெருமையை பெற்றிருக்கின்றன. தமிழக அரசியலில் பெரும்பங்காற்றிய கருணாநிதி, ஜெயலலிதா ஆகியோர் இல்லாமல் நடக்கவிருக்கும் முதல் சட்டமன்றத் தேர்தல் என்பதால், மிக முக்கியமானதாக பார்க்கப்படுகிறது. அதிமுக ஒரு பக்கம் தீவிரமாக களப்பணியில் இறங்கியிருக்கும் நிலையில், கடந்த 2 முறையாக கைவிட்ட ஆட்சியை இந்த முறை பிடித்தே ஆக வேண்டும் என திமுக முனைப்பு காட்டி வருகிறது. அதனால் தேர்தலுக்கான வேட்பாளர்கள் தேர்வு செய்யப்படுவதற்கு முன்பே, திமுக தேர்தல் பரப்புரையை தொடங்கி விட்டது.

கருணாநிதி பிறந்த ஊரான திருக்குவளையில் இருந்து தேர்தல் பிரச்சாரத்தை தொடங்கிய திமுக இளைஞரணி செயலாளர் உதயநிதி ஸ்டாலின் பல முறை போலீசாரால் கைது செய்யப்பட்டார். இந்த நிலையில், தேர்தல் பிரச்சாரம் குறித்து திமுக தலைவர் மு.க ஸ்டாலின் வரும் 20ம் தேதி ஆலோசனை நடத்தவிருப்பதாக அக்கட்சியின் பொதுச் செயலாளர் துரைமுருகன் அறிவித்துள்ளார். மாவட்ட மாநகர, ஒன்றிய, நகர, பகுதி, பேரூர் திமுக செயலாளர்களுடன் 20 ஆம் தேதி அன்று காலை 10 மணிக்கு அறிவாலயத்தில் ஆலோசனை நடக்க உள்ளதாக அவர் குறிப்பிட்டுள்ளார்.

மேலும் செய்திகள்

Like Us on Facebook Dinkaran Daily News
  • spain-school-beach

    ஸ்பெயினில் வகுப்பறையாக மாறிய கடற்கரை!: தனிமனித இடைவெளியுடன் ஆர்வமுடன் கல்வி கற்கும் மாணவர்கள்..!!

  • 19-04-2021

    19-04-2021 இன்றைய சிறப்பு படங்கள்

  • 18-04-2021

    18-04-2021 இன்றைய சிறப்பு படங்கள்

  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

  • maharastra-15

    தீவிரமடையும் கொரோனா பரவலால் மஹாராஷ்டிராவில் முழு ஊரடங்கு!: மூட்டை முடிச்சுகளுடன் வெளியேறிய புலம்பெயர் தொழிலாளர்களின் புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்