SUN குழுமத்திலிருந்து வெளிவரும் காலை நாளிதழ்

புரெவி புயல் எதிரொலி; கடல் மீன்வரத்து சரிவு: விலை ரூ50 வரை அதிகரிப்பு

2020-12-03@ 20:52:49

சேலம்: புரெவி புயல் எதிரொலியாக தூத்துக்குடி, கன்னியாகுமரியில் இருந்து சேலத்திற்கு கடல் மீன் வரத்து அடியோடு சரிந்தது. இதனால், மீன் விலை கிலோவிற்கு ரூ50 வரை அதிகரித்துள்ளது. சேலம் வஉசி மீன் மார்க்கெட்டிற்கு தூத்துக்குடி, கன்னியாகுமரி, நாகை மற்றும் கேரளாவில் இருந்து டன் கணக்கில் கடல் மீன்கள் விற்பனைக்கு கொண்டு வரப்படுகிறது. புரெவி புயல், ராமேஸ்வரம் பாம்பன், கன்னியாகுமரி இடையே நாளை கரையை கடக்கும் என வானிலை ஆய்வு மையம் அறிவித்ததால், மீனவர்கள் கடலுக்கு  மீன் பிடிக்கச் செல்லவில்லை. இதனால், கடல் மீன் சப்ளை பாதிக்கப்பட்டுள்ளது. சேலம் மீன் மார்க்கெட்டிற்கு கடந்த 2 நாட்களாக தூத்துக்குடி, கன்னியாகுமரியில் இருந்து கடல் மீன் வரத்து அடியோடு நின்றுள்ளது.

இதனால், கேரளாவில் இருந்து குறைந்த அளவில் வரும் கடல் மீன்களை வியாபாரிகள் விற்பனை செய்து வருகின்றனர். இதன் காரணமாக மீன்களின் விலை கிலோவிற்கு ரூ50 வரை அதிகரித்துள்ளது. விளா மீன் கிலோ ரூ400க்கும், முறல் மீன் ரூ280க்கும், பாறை ரூ380க்கும், வாவல் மீன் ரூ550க்கும், மடவா மீன் ரூ350க்கும், செங்கடுவா மீன் ரூ320க்கும் விற்கப் படுகிறது. வஞ்சரம் மீன்வரத்து இல்லை. இன்னும் ஒரு வாரத்திற்கு கடல் மீன் வரத்து மிக குறைவாகவே இருக்கும் எனவும், இதனால் விலை சற்று அதிகரிக்க வாய்ப்புள்ளதாகவும் வியாபாரிகள் கூறினர்.

மேலும் செய்திகள்

Like Us on Facebook Dinkaran Daily News
  • 28-01-2021

    28-01-2021 இன்றைய சிறப்பு படங்கள்

  • jayallithaa_mmeerrr

    மறைந்த முன்னாள் முதல்வர் ஜெயலலிதாவிற்கு ரூ.80 கோடி செலவில் பீனிக்ஸ் பறவை வடிவில் நினைவிடம்

  • 27-01-2021

    27-01-2021 இன்றைய சிறப்பு படங்கள்

  • ramukudi

    குடியரசு தின விழாவில் பாரம்பரியத்தை பறைசாற்றும் கண்கவர் நிகழ்ச்சிகள் :மாமல்லபுரம் கடற்கரை கோவில், ராமர் கோவில் அலங்கார ஊர்திகள் பங்கேற்பு!!

  • autoooo_maaa

    சாலைகளில் படுத்து மறியல்... மாட்டு வண்டி, டிராக்டர்கள், ஆட்டோக்களில் பேரணி : விவசாயிகளுக்கு ஆதரவாக தமிழர்கள் ஆவேசப் போராட்டம்!!

படங்கள் வீடியோ கல்வி சினிமா ஜோ‌திட‌ம்