டெல்லி: அடுத்த 3 மணி நேரத்தில் 11 மாவட்டங்களில் கனமழை பெய்ய வாய்ப்பு உள்ளதாக இந்திய வானிலை மையம் தெரிவித்துள்ளது. திருச்சி, தஞ்சாவூர், திருவாரூர், திண்டுக்கல், அரியலூர், கடலூர், விழுப்புரம், ராமநாதபுரம், நாகை, ஈரோடு, காஞ்சிபுரம் ஆகிய மாவட்டங்களில் கனமழைக்கு வாய்ப்பு உள்ளதாக கூறியுள்ளது. பாம்பனுக்கு மிக அருகில் புரெவி புயல் மையம் கொண்டுள்ளதால் பல இடங்களில் மழை பெய்து வருகிறது. இந்நிலையில் டெல்டா மாவட்டங்களில் நேற்று முதலே மழை பெய்து வருகிறது. சில இடங்களில் காற்றின் வேகம் அதிகமாக காணப்படுகிறது.

தொடர் மழை காரணமாக நாளையும் புதுச்சேரி பள்ளிகள்க்கு விடுமுறை அறிவிக்கப்பட்டுள்ளது. தூத்துக்குடி மாவட்டத்தில் 6 மணிக்கு மேல் பொதுமக்கள் வெளியே வர வேண்டாம் என எச்சரிக்கை விடுக்கப்பட்டுள்ளது. புரெவி புயல் காரணமாக தூத்துக்குடி மாவட்டத்தில் அதிகனமழை பெய்யம் என வானிலை ஆய்வு மையம் தெரிவித்துள்ளது. தமிழகத்தின் தென் கடலோர பகுதிகளான பாம்பன்-கன்னியாகுமரி இன்று இரவு அல்லது நாளை காலை புரெவி புயல் கரையை கடக்கும் என தெரிவித்துள்ளது.