லக்னோ : பசுக்களை குளிர்கால குளிர்ச்சியிலிருந்து காப்பாற்ற சிறப்பு கோட்டுகளை வழங்க உத்தரபிரதேச அரசு முடிவு செய்யப்பட்டுள்ளது. உத்தரபிரதேச மாநிலத்தில் பாஜக ஆட்சி நடைபெற்று வருகிறது. அங்கு முதல்வராக உள்ள யோகி ஆதித்யநாத் பசுக்களின் நல்வாழ்வைப் பற்றி மிகுந்த அக்கறை கொண்டவர் ஆவார். இந்துக்களுக்கு புனிதமாகக் கருதப்படும் பசுக்களின் பாதுகாப்பை மேம்படுத்துவது அரசின் கடமை என்பது அவரது நிலைப்பாடு,

இந்த நிலையில், குளிர்கால மாதங்களில், மாநில அரசு நடத்தும் பசு முகாம்களில் உள்ள மாடுகளின் பாதுகாப்பை உறுதி செய்யுமாறு கால்நடை பராமரிப்புத் துறை பல்வேறு மாவட்டங்களில் உள்ள கால்நடை அதிகாரிகளிடம் கேட்டுக் கொண்டுள்ளது. இதையடுத்து சணல் பைகளால் செய்யப்பட்டு, மாடுகளை சூடாக வைத்திருக்கும் கோட்டுகளுக்கான ஏற்பாடுகளை தற்போது கால்நடை அதிகாரிகள் செய்து வருகின்றனர்.

அது மட்டுமல்லாது, பசு முகாம்கள் தடிமனான பாலிதீன் திரைச்சீலைகள் அல்லது டார்பாலின் கொண்டு மூடப்பட்டிருக்கும். இதனால் குளிர்ந்த காற்று உள்ளே நுழையவே நுழையாது.தடிமனான திரைச்சீலைகள் மற்றும் அட்டைகளை உருவாக்க சணல் பைகள் ஒன்றாக தைக்கப்படுகின்றன. குளிர்காலத்தில் சூடாக இருக்க மாடுகள் அணியும் மாட்டு கோட்டுகளை தயாரிக்கவும்.இந்த சணல் பைகள் பயன்படுத்தப்படும்.