சென்னை: தமிழகத்தில் பொதுப்பணி, நெடுஞ்சாலை, மின்வாரியம், வேளாண்துறை, மீன்வளம், ஊரக வளர்ச்சி, நகராட்சி நிர்வாகம் உள்ளிட்ட பல்வேறு துறைகளில் 15 ஆயிரத்துக்கும் மேற்பட்ட உதவி பொறியாளர்கள் பணியாற்றி வருகின்றனர். 7வது ஊதிய குழு அளித்த பரிந்துரையின் படி 10 ஆயிரம் முதல் 17 ஆயிரம் குறைக்கப்பட்டுள்ளது. இது தொடர்பாக முதல்வர் எடப்பாடியை பொதுப்பணித்துறை, நெடுஞ்சாலைத்துறை உதவி பொறியாளர் சங்க நிர்வாகிகள் சந்திக்க சென்றனர். ஆனால், அவர்கள் முதல்வரை சந்திக்க முடியவில்லை.

இந்த நிலையில், துணை முதல்வர் ஓ.பன்னீர் செல்வத்தை நெடுஞ்சாலைத்துறை பொறியாளர் சங்க நிர்வாகிகள் சந்தித்தனர். அப்போது, ஊதிய குறைப்பு ஆணைகளை ரத்து செய்து தரும் படி கேட்டுக்கொண்டனர். அப்போது ஓபிஎஸ் இவ்விவகாரத்தில் விரைவில் தீர்வு வழங்கப்படும் என்று அவர் தெரிவித்தார். இந்நிலையில் பொறியாளர் சங்க நிர்வாகிகள், எம்பி வைத்திலிங்கம், அமைச்சர்கள் விஜயபாஸ்கர், தங்கமணி, பாஸ்கரன் உள்ளிட்டோரை தனித்தனியாக சந்தித்து மனு அளித்தனர்.