தலவல் தொழில்நுட்ப வளர்ச்சிக்கு ஏற்ப உலகம் முழுதும் கணினி வழித் தமிழ் மொழி பரவச் செய்யும் வகையில் தமிழக அரசு சார்பில் தமிழ் வளர்ச்சிக்காக சிறந்த தமிழ் மென்பொருள்  உருவாக்குவோரை ஊக்குவிக்கும் வகையில், மென்பொருள் தயாரித்த தனிநபர் மற்றும் நிறுவனத்திற்கு 'முதல்வர் கணினித் தமிழ் விருது' வழங்கப்படும் என்று 2013ம் ஆண்டு அறிவிக்கப்பட்டு  ஆண்டுதோறும் வழங்கப்பட்டு வருகிறது. அதன்படி 2020ம் ஆண்டுக்கான விருது பெறுவதற்கான விண்ணப்பங்கள் வரவேற்கப்படுகின்றன. விருது பெறுபவருக்கு விருது தொகையாக ரூ.1 லட்சம் மற்றும்  ஒரு சவரன் தங்கப்பதக்கம் மற்றும் தகுதியுரை வழங்கப்படும்.

விருதுக்கு அனுப்பப்பட உள்ள மென்பொருட்கள் 2017, 18, 19ம் ஆண்டுகளில் தயாரிக்கப்பட்டதாக இருக்க வேண்டும்.விருதுக்குரிய விண்ணப்பம் மற்றும் விதிமுறைகளை www.tamilvalarchithurai.com  என்ற இணையதளத்தில் இலவசமாக பதிவிறக்கம் செய்துகொள்ளலாம். விண்ணப்பங்கள், 'தமிழ் வளர்ச்சி இயக்குனர், தமிழ் வளர்ச்சி வளாகம், தமிழ்ச்சாலை, எழும்பூர், சென்னை –600 008' என்ற  முகவரிக்கு டிசம்பர் 31ம் தேதிக்குள்சென்றடைய வேண்டும். மேலும் விவரங்களுக்கு 044 -28190412, 28190413 என்ற தொலைபேசி எண்களை தொடர்பு கொள்ளலாம்.