சென்னை: 7வது ஊதிய விகிதத்தில் 17 ஆயிரம் குறைக்கப்பட்டது தொடர்பாக பொதுப்பணி, நெடுஞ்சாலைத்துறை உதவி பொறியாளர் சங்க நிர்வாகிகளை முதல்வர் எடப்பாடி சந்திக்க மறுத்த சம்பவம் அந்த துறை வட்டாரத்தில் பெரும் பரபரப்பை ஏற்படுத்தியுள்ளது.  தமிழகத்தில் பொதுப்பணி, நெடுஞ்சாலை, மின்வாரியம், வேளாண்துறை, மீன்வளம், ஊரக வளர்ச்சி, நகராட்சி நிர்வாகம் உள்ளிட்ட பல்வேறு துறைகளில் 15 ஆயிரத்துக்கும் மேற்பட்ட உதவி பொறியாளர்கள் பணியாற்றி வருகின்றனர். இவர்களுக்கு ஓய்வு பெற்ற நீதிபதி கமிட்டி அளித்த பரிந்துரையின் பேரில் 7வது ஊதிய குழு ஊதிய விகிதம் அமலானது. இதனால ஒவ்வொரு உதவி பொறியாளர்களும் 10 ஆயிரம் முதல் 17 ஆயிரம் வரை மாத ஊதியத்தில் இழக்கின்ற நிலை ஏற்பட்டுள்ளது.  
 
இந்த நிலையில் கடந்த 2010 ஒரு நபர் குழுவின் பரிந்துரைப்படி வழங்கப்பட்ட ஊதியத்தை மீண்டும் வழங்க வேண்டுமென்று என்ற கோரிக்கையை வலியுறுத்தி முதல்வர் எடப்பாடியை சந்திக்க கிரீன்வேஸ் சாலையில் .ள்ள முகாம் அலுவலகத்திற்கு பொதுப்பணித்துறை, நெடுஞ்சாலைத்துறை உதவி பொறியாளர் சங்க நிர்வாகிகள் சென்றனர். ஆனால், சங்க நிர்வாகிகளை முதல்வர் எடப்பாடி சந்திக்க மறுத்து விட்டதாக கூறப்படுகிறது. ஆனால், பொறியாளர்கள் 3 மணி நேர மேலாக அங்கேயே காத்திருந்தனர். இதை தொடர்ந்து, முதல்வரின் தனிச்ெசயலாளர் செந்தில்குமார் பொறியாளர் சங்க நிர்வாகிகளிடம் இருந்து மனுவை பெற்றுக் கொண்டார்.