SUN குழுமத்திலிருந்து வெளிவரும் காலை நாளிதழ்

மூணாறில் கேஎஸ்ஆர்டிசி ‘லாட்ஜ் பஸ்’ ஹவுஸ்-புல்: ரூ100ல் சுற்றுலா பயணிகள் தங்க ஏற்பாடு

2020-12-01@ 19:03:57

திருவனந்தபுரம்: மூணாறுக்கு வரும் சுற்றுலா பயணிகள் குறைந்த செலவில் தங்கி ஹாயாக ஓய்வெடுக்க கேஎஸ்ஆர்டிசி ஏற்பாடு ெசய்துள்ள பஸ்கள் பெரும்பாலான நாட்களில் ஹவுஸ்-புல்லாகி வருகின்றன. கேரள மாநிலம் மூணாறுக்கு வரும் சுற்றுலா பயணிகள் இனி அறைகள் ேதடி அலைய வேண்டாம். கேஎஸ்ஆர்டிசி பஸ்களிலேயே தங்கி ஹாயாக ஓய்வெடுக்கலாம். இதற்காக புதிய ஏசி பஸ்சில் ஒரேநேரத்தில் 16 பேர் தங்கும் வகையில் ஏற்பாடு செய்யப்பட்டுள்ளது. ரயில்களின் உள்ள ஸ்லீப்பர் கோச் மாடலில், கேரள அரசு பஸ்சில் ஒருவர் சூப்பரா படுத்துறங்கும் வகையில் பெட்டிகள் பொருத்தப்பட்டுள்ளன. படுக்கை, மொபைல் சார்ஜிங் போர்ட் உள்பட பல வசதிகளும் செய்யப்பட்டுள்ளன.

இந்த பஸ் மூணாறு ெடப்போவில் பார்க்கிங் செய்யப்பட்டிருக்கும். பஸ்சில் தங்கியிருப்பவர்கள் டெப்போவில் உள்ள கழிவறைகளை பயன்படுத்தி கொள்ளலாம். சுற்றுலா பயணிகள் மலிவு விலையில் தங்க அரசு பஸ்களில் ஏற்பாடு செய்யும் இந்த யோசனை கேஎஸ்ஆர்டிசி எம்.டி. பிஜூ பிரபாகரன் மனதில் உதித்தது. சுற்றுலா பயணிகள் அரசு பஸ்களில் தங்க ஏற்பாடு செய்யப்படுவது கேரள மாநிலத்தில் இதுவே முதல்முறையாகும். இதற்கு முன்பு கேஎஸ்ஆர்டிசி ஊழியர்கள் ஓய்வெடுக்க முக்கிய டெப்போக்களில் பணியாளர் பஸ்கள் ஏற்பாடு செய்யப்பட்டு இருந்தன என்பது குறிப்பிடத்தக்கது. இந்த நிலையில் மூணாறுக்கு வரும் சுற்றுலா பயணிகள் தங்குவதற்கு முதற்கட்டமாக 2 ஏசி பஸ்கள் ஏற்பாடு செய்யப்பட்டு உள்ளன.

ஒவ்வொன்றிலும் 16 படுக்கைகள் உள்ளன. இந்த பஸ்கள் நவம்பர் 14 முதல் சுற்றுலா பயணிகளுக்கு, தினசரி வாடகையாக விடப்பட்டு வருகின்றன. 2 பஸ்களும் பெரும்பாலான நாட்களில் நிரம்பி வழிகின்றன. இந்த வசதி மூலம் கடந்த 15 நாட்களில் கேஎஸ்ஆர்டிசி ரூ55 ஆயிரத்து 280 வருமானம் ஈட்டி உள்ளது. ஒரு படுக்கைக்கு ஒரு நாளைக்கு ரூ100 மட்டுமே வாடகை வசூலிக்கப்படுகிறது. ஆனால் கம்பளி ேபார்வை தேவைப்பட்டால் கூடுதலாக ரூ50 செலுத்த வேண்டும். மூணாறு டெப்போ கவுண்டரில் முன்பதிவு செய்யலாம். பணம் செலுத்தி மாலை 5 மணிக்கு பஸ்சில் ஏறி படுத்துக்கலாம். ரூ1,600 செலுத்தி மொத்த பஸ்சையும் நமது குடும்பத்துக்காக முன்பதிவு செய்யலாம். அருகில் உணவகங்களும் உள்ளன.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்