SUN குழுமத்திலிருந்து வெளிவரும் காலை நாளிதழ்

மயானத்திற்கு சாலைவசதிகேட்டு சேறு, சகதியான பாதையில் நாற்று நட்டு நூதன போராட்டம்

2020-12-01@ 12:55:24

நாகை: வேளாங்கண்ணியை அடுத்த தண்ணிலபாடி கிராமத்தில் மயானத்திற்கு செல்வதற்கு சாலை வசதி கேட்டு நாற்று நடும் போராட்டத்தில் அப்பகுதி கிராம மக்கள் ஈடுபட்டனர். கீழையூர் ஊராட்சி ஒன்றியத்தில் தண்ணிலபாடி, வேப்பஞ்சேரி ஆகிய இரண்டு ஊராட்சிகள் உள்ளது. இங்கு ஆயிரத்திற்கும் மேற்பட்ட குடும்பங்கள் வசித்து வருகின்றனர். இந்நிலையில் தண்ணிலபாடி மேலோடு தெருவில் வசிக்கும் இரு சமுதாயத்தினருக்கும் தனித்தனியாக மயானம் உள்ளது. இந்த பகுதில் தான் இரண்டு ஊராட்சிகளையும் சேர்ந்த மக்கள் இறந்தவர்களின் உடலை எரியூட்டும் மயானத்திற்கு செல்லும் பாதை உள்ளது. ஆனால் பாதை இல்லாமல் பல ஆண்டு காலம் இருந்து வந்தது.

மயானத்திற்கு செல்லும் சாலை முழுவதும் மழைக்காலங்களில் சேறும் சகதியுமாக மாறி விடுவதால் இறந்தவர்களின் உடலை தூக்கி செல்லும் பொழுது தடுமாறி சேற்றில் வழுக்கி சடலத்தோடு கீழே விழும் சூழ்நிலை சில நேரங்களில் ஏற்படும். மயானத்திற்கு சாலை கேட்டு பலமுறை மாவட்ட நிர்வாகத்திடம் மற்றும் சம்பந்தப்பட்ட அரசு அதிகாரிகளிடம் கோரிக்கை வைத்தும் இது வரை சாலை வசதி செய்து தரவில்லை. இதனால் ஆத்திரமடைந்த கிராம மக்கள் சேறும், சகதியுமாக உள்ள மயான சாலையில் நேற்று நாற்று நட்டு போராட்டத்தில் ஈடுபட்டனர்.

மேலும் செய்திகள்

Like Us on Facebook Dinkaran Daily News
  • 23-04-2021

    23-04-2021 இன்றைய சிறப்பு படங்கள்

  • oxygen-22

    ஆக்சிஜன் வாயு கசிந்து விபத்து: நாசிக் மருத்துவமனையில் மூச்சுத்திணறி 24 நோயாளிகள் பரிதாப மரணம்..!!

  • oxyyge11

    ஆக்சிஜன் சிலிண்டர் நிரப்பும் மையங்களுக்கு படையெடுக்கும் மக்கள்; இரவு, பகலாக நீண்ட வரிசையில் காத்திருப்பு; இந்தியாவில் அவலநிலை!!

  • koronaasadaaa1

    குவியல் குவியலாக கொரோனா சடலங்கள் எரிப்பு.. ஆம்புலன்சில் காத்து கிடைக்கும் நோயாளிகள்.. கண்ணீர் ததும்ப வைக்கும் படங்கள்!!

  • black-girl22

    அமெரிக்காவில் போலீசாரின் துப்பாக்கிச் சூட்டில் கருப்பின சிறுமி பலி!: வெடித்தது பெரும் போராட்டம்..!!

படங்கள் வீடியோ கல்வி சினிமா ஜோ‌திட‌ம்