SUN குழுமத்திலிருந்து வெளிவரும் காலை நாளிதழ்

வெஸ்ட் இண்டீஸ் - நியூசிலாந்து ஏ பயிற்சி ஆட்டம் டிரா

2020-11-23@ 00:09:32

குயின்ஸ்டவுன்: வெஸ்ட் இண்டீஸ் - நியூசிலாந்து ஏ அணிகள் மோதிய 3 நாள் பயிற்சி ஆட்டம் டிராவில் முடிந்தது. ஜான் டேவிஸ் ஓவல் மைதானத்தில் நடந்த இப்போட்டியில் டாஸ் வென்று பேட் செய்த நியூசிலாந்து ஏ அணி 79 ஓவரில் 3 விக்கெட் இழப்புக்கு 308 ரன் குவித்து முதல் இன்னிங்சை டிக்ளேர் செய்தது. அந்த அணியின் ரச்சின் ரவீந்திரா அதிகபட்சமாக 112 ரன் விளாசினார். அடுத்து களமிறங்கிய வெஸ்ட் இண்டீஸ் இரண்டாம் நாள் ஆட்ட முடிவில் 6 விக்கெட் இழப்புக்கு 329 ரன் எடுத்திருந்தது (98 ஓவர்). அந்த அணியின் டேரன் பிராவோ அதிரடியாக 135 ரன் (214 பந்து, 13 பவுண்டரி, 5 சிக்சர்), ஷம்ரா புரூக்ஸ் 80 ரன் விளாசினர். கேப்டன் சேஸ் 42 ரன் எடுத்தார்.

கடைசி நாளான நேற்று வெஸ்ட் இண்டீஸ் அணி 366 ரன்னுக்கு ஆல் அவுட்டானது (116 ஓவர்). மோஸ்லி 11 ரன்னுடன் ஆட்டமிழக்காமல் இருந்தார்.நியூசிலாந்து தரப்பில் ஜேக்கப் டஃபி 3, பிளேர் டிக்னர் 2, மைக்கேல் ரிப்பன், நாதன் ஸ்மித், ஷான் சோலியா, கோல் மெக்கான்சி, ரச்சின் தலா 1 விக்கெட் வீழ்த்தினர். இதைத் தொடர்ந்து, 58 ரன் பின்தங்கிய நிலையில் 2வது இன்னிங்சை தொடங்கிய நியூசிலாந்து ஏ அணி 1 விக்கெட் இழப்புக்கு 124 ரன் எடுத்திருந்த நிலையில், ஆட்டம் டிராவில் முடிந்தது. ரச்சின் 10 ரன் எடுத்து கேப்ரியல் வேகத்தில் கிளீன் போல்டானார். வில் யங் 64 ரன், டிவோன் கான்வே 41 ரன்னுடன் ஆட்டமிழக்காமல் இருந்தனர். வெஸ்ட் இண்டீஸ் - நியூசிலாந்து மோதும் முதல் டி20 போட்டி நவ. 27ம் தேதி ஆக்லாந்தில் நடைபெறுகிறது.

மேலும் செய்திகள்

Like Us on Facebook Dinkaran Daily News
  • 23-04-2021

    23-04-2021 இன்றைய சிறப்பு படங்கள்

  • oxygen-22

    ஆக்சிஜன் வாயு கசிந்து விபத்து: நாசிக் மருத்துவமனையில் மூச்சுத்திணறி 24 நோயாளிகள் பரிதாப மரணம்..!!

  • oxyyge11

    ஆக்சிஜன் சிலிண்டர் நிரப்பும் மையங்களுக்கு படையெடுக்கும் மக்கள்; இரவு, பகலாக நீண்ட வரிசையில் காத்திருப்பு; இந்தியாவில் அவலநிலை!!

  • koronaasadaaa1

    குவியல் குவியலாக கொரோனா சடலங்கள் எரிப்பு.. ஆம்புலன்சில் காத்து கிடைக்கும் நோயாளிகள்.. கண்ணீர் ததும்ப வைக்கும் படங்கள்!!

  • black-girl22

    அமெரிக்காவில் போலீசாரின் துப்பாக்கிச் சூட்டில் கருப்பின சிறுமி பலி!: வெடித்தது பெரும் போராட்டம்..!!

படங்கள் வீடியோ கல்வி சினிமா ஜோ‌திட‌ம்