SUN குழுமத்திலிருந்து வெளிவரும் காலை நாளிதழ்

தங்கக்கடத்தல் வழக்கில் முதல்வர் பினராயி விஜயனுக்கு எதிராக வாக்குமூலம் தர நெருக்கடி!: சிறையில் உள்ள ஸ்வப்னா சுரேஷ் பரபரப்பு குற்றச்சாட்டு..!!

2020-11-19@ 14:39:17

திருவனந்தபுரம்: தங்கக்கடத்தல் வழக்கில் கேரள முதலமைச்சர் பினராயி விஜயனை தொடர்புபடுத்தி வாக்குமூலம் அளிக்குமாறு அழுத்தம் தரப்படுவதாக சிறையில் உள்ள ஸ்வப்னா சுரேஷ் குற்றம்சாட்டியிருக்கிறார். கேரளாவை உலுக்கிய தங்கக்கடத்தல் தொடர்பாக கைது செய்யப்பட்டுள்ள முக்கிய குற்றவாளி ஸ்வப்னா சுரேஷ், திருவனந்தபுரத்தில் உள்ள அடக்குமுறை சிறையில் அடைக்கப்பட்டுள்ளார். இந்நிலையில் ஸ்வப்னா சுரேஷின் பேசும் ஒலிப்பதிவு ஒன்று கேரள ஊடகங்களில் வலம் வருகிறது. அதில் தங்கக்கடத்தல் வழக்கில் கேரள முதலமைச்சர் பினராயி விஜயனுக்கு தொடர்பு இருப்பதாக வாக்குமூலம் தரவேண்டும் என்று பல்வேறு தரப்பில் இருந்து அழுத்தம் தரப்படுவதாக ஸ்வப்னா சுரேஷ் குற்றம்சாட்டியிருக்கிறார். இதுகுறித்து அவர் வெளியிட்டுள்ள ஒலிப்பதிவில், கடந்த 6ம் தேதியில் இருந்து அமலாக்குத்துறையின் குற்றச்சாட்டு நகலை படிக்கவிடவில்லை.

படிக்கும் முன்பாகவே பக்கங்களை புரட்டிவிட்டனர். கடந்த அக்டோபர் மாதம் அரபு நாடுகளுக்கு சிவசங்கரனுடன் சென்றபோது, முதல்வருக்காக பேரம் பேசியதாக அந்த வாக்குமூலத்தில் இருப்பதாக வழக்கறிஞர் தெரிவித்துள்ளார். அந்த வாக்குமூலத்தை ஒப்புக்கொண்டால் வழக்கில் அப்ரூவராக மாற வாய்ப்பு அளிக்கப்படும் என்று விசாரணை அதிகாரிகள் தெரிவித்ததாக வழக்கறிஞர் கூறுகிறார். எனது வழக்கறிஞர் மூலமாகவே எனக்கு அழுத்தம் தருகின்றனர் என குறிப்பிடப்பட்டுள்ளது. கேரள முதலமைச்சர் பினராயி விஜயனுக்கு எதிராக வாக்குமூலம் அளிக்க அழுத்தம் தரப்படுகிறது என்று குற்றம்சாட்டியிருந்தாலும், அதற்கு காரணமானவர்கள் யார் என்று ஸ்வப்னா சுரேஷ் தெரிவிக்கவில்லை.

மேலும் செய்திகள்

Like Us on Facebook Dinkaran Daily News
  • modipuudddhh

    புதுச்சேரியில் பிரதமர் மோடி : கருப்பு பலூன்கள் பறக்கவிட்டு மக்கள் எதிர்ப்பு.. #மோடியே திரும்பி போ ஹேஷ்டேக்கால் அலறிய ட்விட்டர்!!

  • maaaaaaaaa

    பெட்ரோல், டீசல் விலையேற்றம்; எலக்ட்ரிக் ஸ்கூட்டருக்கு மாறிய மம்தா பானர்ஜி!

  • icvator25

    3 சிறைகள்...38,000 கைதிகள்!: தொடர் சங்கலியாக வெடித்த கலவரத்தில் 80 கைதிகள் பலி..கதறும் குடும்பத்தினர்..!!

  • sheep25

    ரோமத்தின் எடை மட்டும் 35 கிலோ... 5 வருடங்களாக தவித்த செம்மறி ஆட்டுக்கு கிடைத்த மறுவாழ்வு..!!

  • 25-02-2021

    25-02-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்