இந்திய கிரிக்கெட் அணி முன்னாள் கேப்டன் கபில் தேவ் (61), சமீபத்தில் மாரடைப்பு ஏற்பட்டு மருத்துவமனையில் அனுமதிக்கப்பட்டார். வெற்றிகரமான ஆஞ்சியோபிளேஸ்டி சிகிச்சைக்குப் பிறகு வீட்டில் ஓய்வெடுத்து வந்த அவர், தான் கோல்ப் விளையாடும் வீடியோவை ட்விட்டர் பக்கத்தில் வெளியிட்டு ரசிகர்களுக்கு இன்ப அதிர்ச்சி கொடுத்திருக்கிறார். மருத்துவர்களின் அனுமதியுடன் டெல்லி கோல்ப் கிளப் வளாகத்துக்கு சென்று கோல்ப் விளையாடி மகிழ்ந்த அவர், ‘கோல்ப் அல்லது கிரிக்கெட் மைதானத்தில் மீண்டும் கால் பதிக்கும் அந்த அற்புதமான உணர்வை வெளிப்படுத்த வார்த்தைகளே இல்லை.

மிக அழகான தருணம். நண்பர்களுடன் இணைந்து கோல்ப் விளையாடி மகிழ்ந்தேன். இது தான் வாழ்க்கை” என்று தகவல் பதிந்துள்ளார். கபில் கோல்ப் விளையாடும் வீடியோ சமூக வலைத்தளங்களில் வைரலாகி உள்ளது.