SUN குழுமத்திலிருந்து வெளிவரும் காலை நாளிதழ்

உலகம் முழுவதும் சுரா மீன்கள் அதிகம் வேட்டை எதிரொலி: சென்னை விமான நிலையத்தில் ரூ.16.5 மதிப்புள்ள 23.5 கிலோ சுரா துடுப்புகள் பறிமுதல்

2020-10-29@ 10:45:04

சென்னை : சென்னையிலிருந்து துபாய்க்கு கடல் உயிரின பொருட்கள் கடத்தப்படுவதாக, சுங்கத்துறைக்கு ரகசிய தகவல் கிடைத்தது. இதன் அடிப்படையில், கடத்தல்காரர்களை பிடிக்க, சென்னை விமான நிலைய சுங்க அதிகாரிகள் இன்று தீவிர கண்காணிப்பில் இறங்கினர். அப்போது பயணிகள் புறப்பாடு முனையத்தில், இரண்டு பயணிகள் கையில் அட்டை பெட்டியுடன், சந்தேகிக்கும் வகையில் நடமாடிக் கொண்டிருந்தனர்.

பாதுகாப்பு சோதனைக்கு சென்ற அவர்களிடம் விசாரணை நடத்தப்பட்டது. சென்னையைச்  சேர்ந்த சதக்கத்துல்லா(52), திருச்சியைச் சேர்ந்த அப்பாஸ்(29) ஆகியோர் பிளை துபாய் விமானம் மூலம் துபாய் செல்ல தயாராக இருந்தனர். பெட்டியில் இருக்கும் பொருட்கள் குறித்து அவர்கள் மழுப்பலான பதில் அளித்தனர். இதனால் அந்த பெட்டியை பரிசோதனை செய்தபோது, அதில் 3 வெள்ளை நிற சாக்கு பைகள் இருந்தன. அதில் ஒன்றில் 9.5 கிலோ எடையில் சுரா துடுப்புகளும், மற்ற 2 சாக்கு பைகளில் 14 கிலோ சுரா துடுப்புகளும் இருந்தன.

அவை பதப்படுத்தப்பட்ட சுரா துடுப்புகள் என வனவிலங்கு குற்ற தடுப்பு பிரிவு அதிகாரிகள் உறுதி செய்தனர். வெளிநாட்டு வர்த்தக கொள்கையின் கீழ் இவை தடை செய்யப்பட்ட பொருட்கள். இவற்றின் மதிப்பு ரூ.16.5 லட்சம். சுங்கச் சட்டத்தின் கீழ் இந்த சுரா துடுப்புகள் பறிமுதல் செய்யப்பட்டன.வெளிநாட்டு நட்சத்திர விடுதிகளில் சுரா துடுப்பு சூப் அதிக விலைக்கு விற்கப்படுகிறது. இதை செழிப்பின் அடையாளமாகவும், ஆரோக்கியம் தரக் கூடியவை எனவும் சீனர்கள் கருதுகின்றனர். இதற்காக உலகம் முழுவதும் சுரா மீன்கள் அதிகம் வேட்டையாடப்படுவதால், அதன் இனம் அழிந்து வருகிறது.இந்த கடத்தல் தொடர்பாக மேலும் விசாரணை நடக்கிறது என சென்னை சர்வதேச விமான நிலைய சுங்க ஆணையர் விடுத்துள்ள செய்தியில் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • alangaa_jaallii

    அலங்காநல்லூர் ஜல்லிக்கட்டு போட்டியை முதல்வர் பழனிசாமி, துணை முதல்வர் ஓ பன்னீர் செல்வம் கொடியசைத்து தொடங்கி வைத்தனர்

  • stalinnnraa

    மாட்டு வண்டியை ஒட்டிய மு.க.ஸ்டாலின்... மக்களுடன் அமர்ந்து உணவு சாப்பிட்ட முதல்வர் பழனிசாமி, ராகுல் காந்தி!!

  • 16-01-2021

    16-01-2021 இன்றைய சிறப்பு படங்கள்

  • 14-01-2021

    14-01-2021 இன்றைய சிறப்பு படங்கள்

  • master13

    9 மாதங்களுக்கு பிறகு தியேட்டரில் ‘மாஸ்டர்’ ரிலீஸ்!: விஜய் ரசிகர்கள் கொண்டாட்டம்..புகைப்படங்கள்

படங்கள் வீடியோ கல்வி சினிமா ஜோ‌திட‌ம்