SUN குழுமத்திலிருந்து வெளிவரும் காலை நாளிதழ்

மாதாந்திர சம்பளதாரர்கள் வருமான வரி தாக்கல் செய்யடிசம்பர் 31 வரை கெடு நீட்டிப்பு: மத்திய நிதியமைச்சகம் அறிவிப்பு

2020-10-25@ 02:00:32

புதுடெல்லி: மாதாந்திர சம்பளதாரர்கள் தங்களின் வருமான வரி கணக்கை தாக்கல் செய்வதற்கான கெடுவை, டிசம்பர் 31ம் தேதி வரை நீட்டித்து  மத்திய நிதி அமைச்சகம் அறிவித்துள்ளது. கொரோனா ஊரடங்கு, பொருளாதார முடக்கம் உள்ளிட்ட தொற்றுநோய் பாதிப்பு காரணங்களுக்காக  2019-20ம் நிதியாண்டிற்கான வருமான வரி கணக்கு தாக்கல் செய்வதற்கான கெடு, ஜூலை 31ம் தேதியில் இருந்து நவம்பர் 30ம் தேதி வரை 4  மாதத்திற்கு நீட்டிக்கப்பட்டது. இந்த கெடு முடிய இன்னும் ஒரு மாதமே உள்ள நிலையில், தற்போதுதான் அனைத்து தொழில்துறையை சேர்ந்த  நிறுவனங்களும் வழக்கமான செயல்பாட்டிற்கு வரத் தொடங்கி உள்ளன.

எனவே, வருமான வரி கணக்கு தாக்கல் செய்வதற்கான காலக்கெடுவை மத்திய நிதி அமைச்சகம் மேலும் ஒரு மாதத்திற்கு நீட்டித்துள்ளது. இது  தொடர்பாக, மத்திய நேரடி வரிகள் வாரியம் விடுத்துள்ள அறிக்கையில், ‘வருமான வரி செலுத்துபவர்கள் கணக்கு தாக்கல் செய்வதற்கான காலக்கெடு  வரும் டிசம்பர் 31ம் தேதி வரை நீட்டிக்கப்படுகிறது. இதே போல், தணிக்கை தேவைப்படும் கம்பெனிகள், தங்கள் வருமான வரி கணக்கை தாக்கல்  செய்வதற்கான காலக்கெடு அக்டோபர் 31ல் இருந்து, 2021 ஜனவரி 31க்கு நீட்டிக்கப்பட்டுள்ளது,’ என கூறப்பட்டுள்ளது. வருமான வரி செலுத்துவோரின்  கோரிக்கையை ஏற்று, இந்த காலக்கெடு நீட்டிக்கப்பட்டு உள்ளதாக மத்திய நேரடி வரிகள் வாரியம் குறிப்பிட்டுள்ளது.

ஜிஎஸ்டிக்கும் அவகாசம்
சரக்கு மற்றும் சேவை வரிக்கான (ஜிஎஸ்டி) ஆண்டு அறிக்கை தாக்கல் செய்வதற்கான கெடுவும் டிசம்பர் 31ம் தேதி வரை நீட்டிக்கப்பட்டு உள்ளதாக  மத்திய நிதியமைச்சகம் நேற்று அறிவித்தது. 2018-19ம் ஆண்டிற்கான ஜிஎஸ்டி ஆண்டு கணக்கு மற்றும் தணிக்கை அறிக்கையை தாக்கல்  செய்வதற்கான கடைசி தேதி வரும் 31ம் தேதியுடன் முடிகிறது. இந்நிலையில், இதற்கு மேலும் 2 மாதங்கள் அவகாசம் வழங்கப்பட்டுள்ளது.

மேலும் செய்திகள்

Like Us on Facebook Dinkaran Daily News
  • 04-12-2020

    04-12-2020 இன்றைய சிறப்பு படங்கள்

  • rainpurevi111

    தமிழகத்தை மிரட்டும் புரெவி புயல்... கொட்டும் மழை; கொந்தளிக்கும் கடல் : சாலைகளில் சூழ்ந்த வெள்ளம்!!

  • radish3

    புவியீர்ப்பு சக்தியில்லாத சர்வதேச விண்வெளி நிலையத்தில் முள்ளங்கியை வெற்றிகரமாக வளர்த்த நாசா விஞ்ஞானிகள்!: புகைப்படங்கள்

  • farmers_proteeee11

    மத்திய அரசின் சட்டங்களை எதிர்த்து வீறுகொண்டெழுந்த விவசாயிகள்... டெல்லியில் 8வது நாளாக ஆவேச கோஷங்களை எழுப்பி போராட்டம்!!

  • 03-12-2020

    03-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்