SUN குழுமத்திலிருந்து வெளிவரும் காலை நாளிதழ்

தாளவாடி மலைப்பகுதியில் கரும்பு லாரியை சுற்றிசுற்றி வந்த ஒற்றை யானையால் பரபரப்பு

2020-10-21@ 19:58:59

சத்தியமங்கலம்: தாளவாடி மலைப்பகுதியில் உள்ள மலை கிராமங்களில் அதிக அளவில் கரும்பு பயிரிடப்பட்டுள்ளது. இங்கு விளையும் கரும்பு வெட்டப்பட்டு லாரிகளில் ஏற்றி சத்தியமங்கலத்தில் உள்ள தனியார் சர்க்கரை ஆலைக்கு கொண்டு செல்லப்படுகிறது. நேற்று மாலை தாளவாடி மலைப்பகுதியில் இருந்து கரும்பு பாரம் ஏற்றிய லாரி திம்பம் மலைப்பாதை வழியாக சத்தியமங்கலம் நோக்கி சென்று கொண்டிருந்தது. திம்பம் மலைப்பாதை 1வது கொண்டை ஊசி வளைவு அருகே லாரி சென்றபோது, பழுதாகி நகர முடியாமல் நின்றது. என்ஜினில் கோளாறு ஏற்பட்டதால், சத்தியமங்கலத்தில் இருந்து மெக்கானிக் வரவழைக்கப்பட்டு லாரியிலிருந்து எஞ்சின் கழற்றப்பட்டு பழுது பார்ப்பதற்காக கொண்டு செல்லப்பட்டது.

கரும்பு லாரி அங்கேயே நின்றதால், வனப்பகுதியில் இருந்து வெளியேறிய ஒற்றை யானை கரும்பு தின்பதற்காக பழுதான லாரி அருகே வந்து நின்றது. யானை லாரியின் அருகே நிற்பதை கண்ட சாலையில் சென்ற வாகன ஓட்டிகள் அச்சமடைந்தனர். இதுகுறித்து தகவலறிந்த சத்தியமங்கலம் வனத்துறையினர் சம்பவ இடத்திற்கு சென்று யானையை விரட்ட முயற்சித்தனர். அப்போது யானை கரும்பு லாரியை விட்டு நகர மறுத்ததால் பரபரப்பு ஏற்பட்டது. சுமார் அரைமணி நேரம் நின்றிருந்த ஒற்றை யானையை வனத்துறையினர் விரட்டியதை தொடர்ந்து வனப்பகுதிக்குள் சென்றது. கரும்பு லாரியை சுற்றி சுற்றி வந்த ஒற்றை யானையால் பரபரப்பு ஏற்பட்டது.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்