SUN குழுமத்திலிருந்து வெளிவரும் காலை நாளிதழ்

மேம்பாலத்தில் பைக்கில் சறுக்கி விழுந்த வாலிபருக்கு உதவி செய்த போலீஸ் கமிஷனர்

2020-10-21@ 00:33:50

சென்னை: டாக்டர் ராதாகிருஷ்ணன் சாலையில் உள்ள மேம்பாலத்தில் பைக்கில் சறுக்கி விழுந்த வாலிபரை, போலீஸ் கமிஷனர் மகேஷ்குமார் அகர்வால் மீட்டு முதல் உதவி செய்து மருத்துவமனைக்கு அனுப்பி வைத்தார். சென்னை மாநகர போலீஸ் கமிஷனர் மகேஷ்குமார் அகர்வால் நேற்று காலை மயிலாப்பூர் டாக்டர் ராதாகிருஷ்ணன் சாலை வழியாக வேப்பேரியில் உள்ள போலீஸ் கமிஷனர் அலுவலகத்திற்கு காரில் சென்று கொண்டிருந்தார். அப்போது லேசாக மழை பெய்து கொண்டிருந்தது. மியூசிக் அகாடமி அருகே உள்ள மேம்பாலத்தில் கார் செல்லும் போது, எதிர் திசையில் பைக்கில் வந்த வாலிபர் மழை காரணமாக முன்னால் சென்று கொண்டிருந்த கார் மீது மோதினார். இதில், அவர் நிலை தடுமாறி பைக்குடன் சறுக்கி கீழே விழுந்தார்.

விபத்தை நேரில் பார்த்த போலீஸ் கமிஷனர் மகேஷ்குமார் அகர்வால் தனது காரில் இருந்து இறங்கி கீழே விழுந்த வாலிபரை மீட்டார். பிறகு காரில் வைத்திருந்த முதல் உதவி பெட்டியை எடுத்து காயமடைந்த வாலிபருக்கு முதலுதவி செய்தார். பின்னர் கட்டுப்பாட்டு அறைக்கு தகவல் தெரிவித்து ராயப்பேட்டை போக்குவரத்து போலீசாரை அழைத்து,காயமடைந்த வாலிபரை மருத்துவமனையில் அனுமதிக்க ஏற்பாடு செய்தார். போலீஸ் கமிஷனரின் உதவியை நேரில் பார்த்த வாகன ஓட்டிகள் வெகுவாக பாராட்டினர்.

மேலும் செய்திகள்

Like Us on Facebook Dinkaran Daily News
  • 04-03-2021

    04-03-2021 இன்றைய சிறப்பு படங்கள்

  • school-student3

    நைஜீரியாவில் பயங்கரவாதிகளால் கடத்தப்பட்ட பள்ளி மாணவிகள் 279 பேர் விடுவிப்பு!: புகைப்படங்கள்

  • dinosaur-argentina3

    ஆராய்ச்சியாளர்களையே மிரள வைத்த டைனோசர் புதைப்படிவம்!: அர்ஜெண்டினாவில் கண்டெடுப்பு..!!

  • 03-03-2021

    03-03-2021 இன்றைய சிறப்பு படங்கள்

  • corona-party-2

    கொரோனா தடுப்பூசியின் முதல் டோஸ்!: இன்றும் மத்திய, மாநில அமைச்சர்கள், அரசியல் கட்சி தலைவர்கள் போட்டுக்கொண்டனர்..!!!

படங்கள் வீடியோ கல்வி சினிமா ஜோ‌திட‌ம்